മുനമ്പം: തങ്ങൾ പറഞ്ഞതിനപ്പുറം ലീ​ഗിന് നിലപാടില്ലെന്ന് കുഞ്ഞാലിക്കുട്ടി

മലപ്പുറം> മുനമ്പം വഖഫ് ഭൂമി വിഷയത്തിൽ ലീഗിന്റെ നിലപാട് സംസ്ഥാന അധ്യക്ഷൻ പാണക്കാട് സാദിഖലി ശിഹാബ് തങ്ങൾ പറഞ്ഞിട്ടുണ്ടെന്നും അതിനപ്പുറം മറ്റൊരു നിലപാടില്ലെന്നും മുസ്ലീം ലീഗ് അഖിലേന്ത്യാ ജനറൽ സെക്രട്ടറി പി കെ കുഞ്ഞാലിക്കുട്ടി. മുനമ്പം ചെറിയൊരു വിഷയമായി ലീഗ് കാണുന്നില്ല. തങ്ങൾ റോമിൽ പോയി മാർപ്പാപ്പയെ കണ്ടതിൽനിന്ന് ഇത് വ്യകക്തമാണ്.  മുനമ്പത്തിന്റെ പേരിൽ സാമുദായിക സ്പർദ ഉണ്ടാക്കാൻ ശ്രമിക്കുമ്പോൾ അതിൽ ആരും പോയി പാർട്ടിയാകേണ്ടതില്ലെന്നും കുഞ്ഞാലിക്കുട്ടി പറഞ്ഞു.

മലപ്പുറം പെരുവള്ളൂരിൽ ലീഗ് പഞ്ചായത്ത് കമ്മിറ്റി സംഘടിപ്പിച്ച പൊതുസമ്മേളനത്തിലാണ് ഷാജി സതീശനെ തള്ളിയത്. മുനമ്പത്തേത് വഖഫ് ഭൂമി തന്നെയാണ്. വഖഫ് ഭൂമി ആരാണ് വിട്ടുകൊടുത്തത് എന്ന് കണ്ടെത്തണം. ഈ വിഷയത്തിൽ  പ്രതിപക്ഷ നേതാവിന്റെ അഭിപ്രായമല്ല ലീഗിനെന്നുമായിരുന്നു ഷാജി പറഞ്ഞത്.