06 July Wednesday

കെ സുധാകരന്റെ പ്രസ്‌താവന പരാജയഭീതി മൂലം; സുധാകരൻ മാപ്പ് പറയണമെന്ന് മന്ത്രി വി ശിവൻകുട്ടി

വെബ് ഡെസ്‌ക്‌Updated: Tuesday May 17, 2022

തിരുവനന്തപുരം> കെപിസിസി പ്രസിഡന്റ്  കെ സുധാകരന്റെ പ്രസ്‌താവന പരാജയഭീതി മൂലമെന്ന് മന്ത്രി വി ശിവൻകുട്ടി. ആരോഗ്യകരമായ രാഷ്‌ട്രീയ മത്സരത്തിനല്ല തൃക്കാക്കരയിൽ സുധാകരനും കോൺഗ്രസും തയ്യാറാവുന്നതെന്ന് പ്രസ്‌താവനയിൽ വ്യക്തം. അവസരവാദപരമായ കൂട്ടുകെട്ടുകൾക്ക് തയ്യാറായിട്ടും തൃക്കാക്കരയിൽ പരാജയം ഉറപ്പാണെന്ന ഭീതിയിൽ നിന്നാണ് സുധാകരന്റെ വാക്കുകൾ ഉണ്ടാകുന്നത്. കോൺഗ്രസിന്റെ അശ്ലീലത തൃക്കാക്കരയിലെ ജനം തിരിച്ചറിയും.

മുഖ്യമന്ത്രിക്കെതിരായ പരാമർശത്തിൽ കെ സുധാകരൻ മാപ്പ് പറയാൻ തയ്യാറാകണം. പിണറായി വിജയൻ ആരാണെന്ന് നാട്ടിലെ ജനങ്ങൾക്കറിയാം. എൽ ഡി എഫ് ആർക്ക് വേണ്ടിയാണ്, എന്തിന് വേണ്ടിയാണ് നിലകൊള്ളുന്നതെന്ന് തിരിച്ചറിഞ്ഞാണ് ജനം 140 ൽ 99 സീറ്റിലും വിജയിപ്പിച്ച് അധികാരത്തിൽ നിലനിർത്തിയത്. സുധാകരന്റെ പ്രസ്‌താവനയ്‌ക്ക് കൂടിയുള്ള തിരിച്ചടിയാകും തൃക്കാക്കരയിലെ തെരഞ്ഞെടുപ്പുഫലമെന്ന് മന്ത്രി വി ശിവൻകുട്ടി ചൂണ്ടിക്കാട്ടി.


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..




----
പ്രധാന വാർത്തകൾ
-----
-----
 Top