20 October Tuesday

യൂനിടാക് സ്വകാര്യ വ്യക്തികളുമായി പണമിടപാട് നടത്തിയെന്ന പരാതി വിജിലന്‍സ് അന്വേഷിക്കും

വെബ് ഡെസ്‌ക്‌Updated: Wednesday Sep 23, 2020

തിരുവനന്തപുരം> യുഎഇയിലെ റെഡ്ക്രസന്റ് ലൈഫ് പദ്ധതിക്കായി നിര്‍മിക്കുന്ന ഭവന സമുച്ചയത്തിന്റെ മറവില്‍  കരാര്‍ കമ്പനി യൂനിടാക് സ്വകാര്യ വ്യക്തികളുമായി പണമിടപാട് നടത്തിയെന്ന പരാതി  വിജിലന്‍സ് അന്വേഷിക്കും. പ്രാഥമിക അന്വേഷണം നടത്താന്‍ സര്‍ക്കാര്‍ വിജിലന്‍സ് ഡയറക്ടര്‍ക്ക് നിര്‍ദേശം നല്‍കി.

 വടക്കാഞ്ചേരിയില്‍ നിര്‍മിക്കുന്ന ഭവന സമുച്ചയത്തിന്റെ പേരില്‍ സ്വപ്ന സുരേഷിന് പണം നല്‍കിയെന്നതാണ് പരാതി. ഭൂരഹിത ഭവന രഹിതര്‍ക്കായി ലൈഫ് പദ്ധതിയുടെ ഭാഗമായി നിര്‍മിക്കുന്നതാണ് ഭവന സമുച്ചയം.  വ്യക്തികളുടെയും സ്ഥാപനങ്ങളുടെയും സഹായവും ഇതിനുണ്ട്. വടക്കാഞ്ചേരിയിലെ ഭവന സമുച്ചയം യുഎഇയിലെ സന്നദ്ധ സംഘടനയായ റെഡ് ക്രസന്റാണ് സ്പോണ്‍സര്‍ ചെയ്തത്. ഇവര്‍ നേരിട്ടാണ് നിര്‍മാണം.

 ഇതിന്റെ കരാര്‍ യൂണിടാകിന് നല്‍കിയതും റെഡ് ക്രസന്റാണ്. പണമടിപാട് അവര്‍ തമ്മിലാണ്. അതിനിടെയാണ് സ്വര്‍ണ കടത്ത് കേസില്‍ അറസ്റ്റിലായ സ്വപ്നക്ക് യൂണിടാക് പണം നല്‍കിയെന്ന പരാതി ഉയര്‍ന്നത്.



 


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..


----
പ്രധാന വാർത്തകൾ
-----
-----
 Top