ചികിത്സയ്ക്കെത്തിയ പെൺകുട്ടിക്ക് നേരെ പീഡനം: ഫിസിയോതെറാപ്പിസ്റ്റിനെ സസ്‌പെൻഡ് ചെയ്തു

കോഴിക്കോട് > കോഴിക്കോട് ബീച്ച് ആശുപത്രിയിൽ ചികിത്സയ്ക്കെത്തിയ പെൺകുട്ടിയെ ആരോ​ഗ്യപ്രവർത്തകൻ പീഡിപ്പിച്ചെതായി പരാതി. പരാതിയെത്തുടർന്ന് ആരോപണ വിധേയനായ ഫിസിയോതെറാപ്പിസ്റ്റ് ബി മഹേന്ദ്രൻ നായരെ അന്വേഷണ വിധേയമായി സസ്‌പെൻഡ് ചെയ്തു.

ആരോഗ്യമന്ത്രി വീണാ ജോർജിന്റെ നിർദേശത്തെ തുടർന്നാണ് നടപടി. പീഡനം നടന്നതായി കുട്ടി ആശുപത്രി അധികൃതരെ അറിയിച്ചു. തുടർന്ന് പൊലീസിൽ വിവരമറിയിക്കുകയായിരുന്നു.