22 September Tuesday

രാമക്ഷേത്രം: പ്രിയങ്കയുടെ പ്രസ്‌താവനയിൽ എതിർപ്പ്‌ രണ്ട്‌ വരിയിൽ ഒതുക്കി ലീഗ്‌

വെബ് ഡെസ്‌ക്‌Updated: Wednesday Aug 5, 2020

മലപ്പുറം > പ്രിയങ്ക ഗാന്ധിയുടെ രാമക്ഷേത്ര നിർമാണത്തെ അനുകൂലിച്ചുള്ള നിലപാടിൽ എതിർപ്പ്‌ രണ്ട്‌ വരിയിൽ ഒതുക്കി മുസ്ലിം ലീഗ്‌ ദേശീയ നിർവാഹക സമിതിയോഗം. നിലപാടിൽ എതിർപ്പ്‌ അറിയിച്ച്‌ പ്രമേയം പാസ്സാക്കി. യോഗത്തിനുശേഷം വാർത്താസമ്മേളനത്തിലാണ്‌ ഇക്കാര്യം അറിയിച്ചത്‌.

പ്രിയങ്കയുടെ നിലപാട്‌ അനവസരത്തിലുള്ളതാണ്‌ എന്ന്‌ മാത്രമാണ്‌ ലീഗ്‌ പ്രമേയത്തിൽ പറയുന്നത്‌. പരാമർശത്തിൽ എതിർപ്പ്‌ എന്നതല്ലാതെ പ്രതിഷേധമോ മറ്റ്‌ കാര്യങ്ങളോ ഒന്നുംതന്നെ പ്രമേയത്തിൽ ഇല്ല. പ്രിയങ്കയോട്‌ പ്രസ്‌താവന പിൻവലിക്കണം എന്ന്‌ ആവശ്യപ്പെടുമോ എന്ന ചോദ്യത്തിൽ നിന്നും ലീഗ്‌ നേതാക്കൾ ഒഴിഞ്ഞുമാറി.

അയോധ്യ വിഷയത്തിൽ ലീഗ്‌ കോടതി വിധിയെ സ്വഗതം ചെയ്‌തില്ലെന്നും, സാമുദായിക ഐക്യം തകരാതെ നോക്കുകയാണ്‌ ഉണ്ടായതെന്നും പി കെ കുഞ്ഞാലിക്കുട്ടി പറഞ്ഞു. ഇ ടി മുഹമ്മദ്‌ ബഷീർ, കെ പി എ മജീദ്‌, എം കെ മുനീർ എന്നിവരും യോഗത്തിൽ പങ്കെടുത്തു.


ദേശാഭിമാനി ഇപ്പോള്‍ ടെലഗ്രാമിലും ലഭ്യമാണ്‌. കൂടുതല്‍ വാര്‍ത്തകള്‍ക്കും അപ്ഡേറ്റുകള്‍ക്കുമായി ടെലഗ്രാം ചാനല്‍ സബ്സ്ക്രൈബ് ചെയ്യാം.

മറ്റു വാർത്തകൾ

----
പ്രധാന വാർത്തകൾ
-----
-----
 Top