പാലക്കാട് വൻ സ്പിരിറ്റ് വേട്ട; ലോറിയിൽ കടത്തിയത് 3500 ലിറ്റർ

പാലക്കാട് > പാലക്കാട് ലോറിയിൽ കടത്തിയ 3500 ലിറ്റർ സ്പിരിറ്റ് പിടികൂടി. പാലക്കാട് എലപ്പുള്ളിയിൽ നടത്തിയ പരിശോധനയിലാണ് സംഭവം. കാലിത്തീറ്റ കയറ്റി വന്ന ലോറിയാണ് പൊലീസ് പരിശോധിച്ചത്. കാലിത്തീറ്റയെന്ന വ്യാജേന ലോറിയിൽ സ്പിരിറ്റ് കടത്തുകയായിയിരുന്നു. ബംഗളൂരുവിൽ നിന്നും കൊണ്ടുവന്ന സ്പിരിറ്റാണെന്ന് പൊലീസ് അറിയിച്ചു. സംഭവത്തിൽ ലോറിയിലുണ്ടായിരുന്ന അഞ്ചു പേരേയും പാലക്കാട് സൗത്ത് പൊലീസ് കസ്റ്റഡിയിലെടുത്തു.