04 December Friday

കേന്ദ്ര ഏജന്‍സികള്‍ക്കെതിരായ സോണിയാഗാന്ധിയുടെ പ്രസ്താവന: കേരളത്തിലെ കോണ്‍ഗ്രസിന്റെ പ്രതികരണത്തിനായി കാത്തിരിക്കാമെന്ന് പി രാജീവ്

വെബ് ഡെസ്‌ക്‌Updated: Monday Oct 26, 2020

ന്യൂഡല്‍ഹി > കേന്ദ്ര ഏജന്‍സികളെ ദുരുപയോഗിക്കുന്നത് സംബന്ധിച്ച സോണിയാ ഗാന്ധിയുടെ പ്രസ്താവനയില്‍ കേരളത്തിലെ കോണ്‍ഗ്രസ് നേതാക്കളുടെ പ്രതികരണത്തിനായി കാത്തിരിക്കാമെന്ന് സിപിഐ എം സംസ്ഥാന സെക്രട്ടറിയറ്റംഗം പി രാജീവ്. ഭരണകൂടത്തിന്റെ എല്ലാ ഉപകരണങ്ങളേയും രാഷ്ട്രീയ എതിരാളികളെ നേരിടുന്നതിനായി ഉപയോഗിക്കുന്നുവെന്നും, പ്രധാനമന്ത്രിയുടേയും അഭ്യന്തര മന്ത്രിയുടേയും ഓഫിസിന്റെയും താളത്തിനൊത്ത് തുള്ളുക മാത്രമാണ് ഈ ഏജന്‍സികള്‍ ചെയ്യുന്നതെന്നുമാണ് സോണിയ ആരോപിച്ചത്.

കഴിഞ്ഞ ദിവസം കേരളത്തിലെത്തിയ രാഹുല്‍ ഗാന്ധി എംപിയും സിബിഐ ഉള്‍പ്പെടെയുള്ള കേന്ദ്ര ഏജന്‍സികള്‍ക്കെതിരെ പ്രസ്താവന നടത്തിയിരുന്നു. എന്നാല്‍ പ്രതിപക്ഷ നേതാവ് രമേശ് ചെന്നിത്തല ഉള്‍പ്പെടെയുള്ള കോണ്‍ഗ്രസ് നേതാക്കള്‍ ദേശീയ നേതൃത്വത്തിന്റെ നിലപാട് തള്ളുകയും സിബിഐയെ ന്യായീകരിക്കുകയുമാണ് ചെയ്തത്.

പി രാജീവിന്റെ ഫെയ്‌‌സ്‌ബുക്ക് പോസ്റ്റ് ചുവടെ

'ഭരണകൂടത്തിന്റെ എല്ലാ ഉപകരണങ്ങളേയും രാഷ്ട്രീയ എതിരാളികളെ നേരിടുന്നതിനായി ഉപയോഗിക്കുന്നു. എന്‍ഫോഴ്‌സ്‌മെന്റ്, സിബിഐ , എന്‍ഐഎ തുടങ്ങി നര്‍കോട്ടിക്‌സ് ബ്യൂറോ വരെ ഇതിനായി ഉപയോഗിക്കുന്നു . പ്രധാനമന്ത്രിയുടേയും അഭ്യന്തര മന്ത്രിയുടേയും ഓഫിസിന്റെയും താളത്തിനൊത്ത് തുള്ളുക മാത്രമാണ് ഈ ഏജന്‍സികള്‍ ചെയ്യുന്നത്'
സോണിയ ഗാന്ധി

ഇനി കേരളത്തിലെ CONGRSS പ്രതികരണത്തിനായി കാത്തിരിക്കാം

 


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..


----
പ്രധാന വാർത്തകൾ
-----
-----
 Top