ഗുരുവായൂർ
ഗുരുവായൂർ ദേവസ്വം വാദ്യകലാ വിദ്യാലയത്തിന്റെ 47ാം വാർഷികത്തോടനുബന്ധിച്ചുള്ള സാംസ്കാരിക സമ്മേളനം നഗരസഭാ ചെയർമാൻ എം കൃഷ്ണദാസ് ഉദ്ഘാടനം ചെയ്തു. ദേവസ്വം ചെയർമാൻ ഡോ. വി കെ വിജയൻ അധ്യക്ഷനായി. മേൽപുത്തൂർ ഓഡിറ്റോറിയത്തിൽ വാദ്യകലാ വിദ്യാലയം പൂർവ വിദ്യാർഥികൾ അവതരിപ്പിച്ച അഷ്ടപദി, നാഗസ്വര കച്ചേരി, കൊമ്പ്പറ്റ് എന്നിവയോടെയാണ് ആഘോഷങ്ങൾക്ക് തുടക്കമായത്. തായമ്പക കലാകാരി ഡോ. നന്ദിനി വർമ മുഖ്യാതിഥിയായി. സ്കൂൾ കലോൽസവത്തിൻ എ ഗ്രേഡ് നേടിയ വിദ്യാർഥികളെ ആദരിച്ചു. മല്ലിശേരി പരമേശ്വരൻ നമ്പൂതിരിപ്പാട്, സി മനോജ്, വി ജി രവീന്ദ്രൻ, കെ പി വിനയൻ, കെ ഷൈൻ എന്നിവർ സംസാരിച്ചു. രാവിലെ 10 ന് നടന്ന ക്ഷേത്ര കലാസെമിനാർ ദേവസ്വം ചെയർമാൻ ഡോ. വി കെ വിജയൻ ഉദ്ഘാടനം ചെയ്തു. തുടർന്ന് കലയും കലാകാരനും സമൂഹവും എന്ന വിഷയം അവതരിപ്പിച്ച് ആലങ്കോട് ലീലാകൃഷ്ണൻ, ഡോ. എൻ പി വിജയകൃഷ്ണൻ, കലാമണ്ഡലം ബലരാമൻ എന്നിവർ സംസാരിച്ചു.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
