02 August Monday

ബിജെപി കുഴൽപ്പണം: പ്രതികളെ
ജയിലിൽ ചോദ്യംചെയ്‌തു

വെബ് ഡെസ്‌ക്‌Updated: Saturday Jun 19, 2021

 

തൃശൂർ
തെരഞ്ഞെടുപ്പ് പ്രചാരണത്തിന്റെ പേരിൽ ബിജെപി കൊണ്ടുവന്ന കുഴൽപ്പണം കവർന്ന കേസിൽ ജയിലിൽ കഴിയുന്ന പ്രതികളെ ചോദ്യംചെയ്‌തു. വിയ്യൂർ ജില്ലാ ജയിലിലെത്തിയാണ്‌ പ്രത്യേക അന്വേഷകസംഘം ചോദ്യം ചെയ്‌തത്‌. കവർച്ച ചെയ്‌ത പണം കണ്ടെടുക്കുന്നതിനായാണ്‌ ചോദ്യം ചെയ്യൽ. 
ഏപ്രിൽ മൂന്നിന്‌ പുലർച്ചെ നാലരയ്‌ക്ക്‌ കൊടകരയിലാണ്‌ കവർച്ച നടന്നത്‌. 
   രണ്ട്‌ കാറുകളിലായി വന്ന പ്രതികൾ, ബിജെപിയുടെ കള്ളപ്പണവുമായി പോവുകയായിരുന്ന എർട്ടിഗ കാറിലിടിപ്പിച്ചു. വണ്ടി തടഞ്ഞ്‌ ഡ്രൈവറെയും  സുഹൃത്തിനെയും വലിച്ചിറക്കി ദേഹോപദ്രവമേൽപ്പിച്ച്‌ മൂന്നരക്കോടിയും കാറും  കവരുകയായിരുന്നു. കേസിൽ സ്‌ത്രീയടക്കം 21 പ്രതികളെ അറസ്റ്റുചെയ്തിട്ടുണ്ട്. 
ഇതുവരെ പണവും മറ്റു രേഖകളുമായി ഒന്നരക്കോടിയോളം രൂപയുടെ മുതലാണ്‌ കണ്ടെടുക്കാനായത്‌. ബാക്കി പണം കണ്ടെത്തേണ്ടതുണ്ട്‌. ഇതേത്തുടർന്നാണ്‌ ആറ്‌ മുഖ്യ പ്രതികളെ വീണ്ടും ചോദ്യംചെയ്‌തത്‌.
ചോദ്യം ചെയ്യലിൽ നിന്ന് ലഭിച്ച വിവര പ്രകാരം കണ്ണൂർ,കോഴിക്കോട് ജില്ലകളിൽ പൊലീസ് റെയ്ഡ്‌ തുടരുകയാണ്. ഏഴുലക്ഷം രൂപ കണ്ടെത്തിയെന്നാണു സൂചന. അന്വേഷക സംഘം  ഈ ജില്ലകളിൽ ക്യാമ്പ് ചെയ്യുന്നുണ്ട്.

ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..



----
പ്രധാന വാർത്തകൾ
-----
-----
 Top