01 October Saturday

അമ്മയെ കത്തിച്ചു
കൊന്നയാൾക്ക്‌ ജീവപര്യന്തം

വെബ് ഡെസ്‌ക്‌Updated: Wednesday Aug 17, 2022

 തൃശൂർ

അമ്മയെ തിന്നർ ഒഴിച്ച് കത്തിച്ച്‌ കൊലപ്പെടുത്തിയ കേസിൽ പ്രതിക്ക്‌ ജീപപര്യന്തം.  തൃശൂർ മുല്ലശേരിയിൽ മാനിനക്കുന്ന്   വാഴപ്പിള്ളി ഉണ്ണിക്കൃഷ്ണനെയാണ്‌  (60 ) തൃശൂർ ഒന്നാം അഡീ. ജില്ലാ ജഡ്ജ് പി എൻ വിനോദ്   ശിക്ഷിച്ചത്‌. ജീവപരന്തും കഠിന തടവിനു പുറമെ  ഒരു ലക്ഷം രൂപ പിഴയും അടയ്‌ക്കണം.
2020 മാർച്ച്‌ മൂന്നിനാണ്‌ സംഭവം. താഴ്ന്ന ജാതിക്കാരനെ  വിവാഹം കഴിച്ച സഹോദരിയെ,  അമ്മ പോയി കണ്ടതിനാണ്‌ ആക്രമണം.  പ്രതി വീട്ടിൽ ഓട്ടോറിക്ഷ പെയിന്റടിക്കാൻ സൂക്ഷിച്ചിരുന്ന തിന്നർ ഒഴിച്ച്  അമ്മ വള്ളിയമ്മയെ കത്തിക്കുകയായിരുന്നു.   78 വയസ്സുള്ള വള്ളിയമ്മക്ക്‌ 95 ശതമാനം പൊള്ളലേറ്റു.   പിറ്റേ ദിവസം ആശുപത്രിയിലാണ്‌  മരിച്ചത്‌.  
കരച്ചിൽ കേട്ട് ഓടി വന്ന അയൽവാസിയോട് എന്റെ മകൻ ചതിച്ചു - എന്ന്‌  വള്ളിയമ്മ പറഞ്ഞിരുന്നു.  അയൽവാസിയുടെ മൊഴിയിൽ പാവറട്ടി പൊലീസ് കേസെടുത്ത് അന്വേഷണം നടത്തി. 
പ്രതിക്ക് ജാമ്യം നൽകിയിരുന്നില്ല.   തടവുകാരനായി പാർപ്പിച്ച് നടത്തിയ വിചാരണയിൽ ശാസ്ത്രീയ തെളിവുകളും സാഹചര്യത്തെളിവുകളും മുഖ്യമായി. പ്രോസിക്യൂഷനു വേണ്ടി അഡ്വ. ലിജി മധു, കെ ബി സുനിൽ കുമാർ  എന്നിവർ ഹാജരായി.

ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..



----
പ്രധാന വാർത്തകൾ
-----
-----
 Top