പിള്ളത്തോടിന് സമീപം 
കാട്ടാനക്കൂട്ടം

പാലപ്പിള്ളി പിള്ളത്തോടിന് സമീപം കാട്ടാനക്കൂട്ടമിറങ്ങിയത്‌ ഭീതി പരത്തി. തിങ്കൾ രാവിലെ  മുപ്പതോളം ആനകളാണ് രണ്ട് കൂട്ടങ്ങളിലായി പ്രദേശത്ത് ഇറങ്ങിയത്. പിള്ളത്തോടിന് സമീപത്തുള്ള റബർ തോട്ടത്തിലെത്തിയ ആനകൾ റോഡിൽ നിലയുറപ്പിച്ചതോടെ ഏറെ നേരം പാലപ്പിള്ളി റോഡിൽ ഗതാഗതം തടസ്സപ്പെട്ടു. ആനകളുടെ ആക്രമണം ഭയന്ന് വാഹനങ്ങൾ മാറ്റിയിടുകയായിരുന്നു. റോഡ് മുറിച്ചുകടന്ന ആനകൾ വീണ്ടും റബർ തോട്ടത്തിൽ തമ്പടിച്ചു. വനപാലകരും തോട്ടം തൊഴിലാളികളും ചേർന്ന് ആനക്കൂട്ടത്തെ കാട്ടിലേയ്ക്ക് ഓടിച്ചുവിട്ടു.