ആറാട്ട് മഹോത്സവം

വിആർ പുരം ശാസ്താംകുന്ന് ധർമശാസ്താ ക്ഷേത്രത്തിലെ ആറാട്ട് മഹോത്സവത്തിന്‌ വ്യാഴാഴ്ച വൈകിട്ട് 6.30 ന് കൊടിയേറും. വെള്ളി  8 ന്‌ എഴുന്നള്ളിപ്പിന് ശേഷം കാവടിയാട്ടം. ശനി  വൈകിട്ട് കലാപരിപാടികൾ.   ഞായറാഴ്ച ദീപാരാധനയ്ക്ക് ശേഷം അഷ്ടനാഗക്കളം ഉണ്ടാകും. തിങ്കൾ  രാത്രി 8.30 ന് നാടൻപാട്ട്.  ബുധനാഴ്ച  പള്ളിവേട്ട മഹോൽസവം. പകൽ  3.30ന് അഞ്ച് ഗജവീരന്മാർ അണിനിരക്കുന്ന കാഴ്ചശീവേലി, മേളം എന്നിവയുണ്ടാകും. വ്യാഴാഴ്ച ആറാട്ട് നടക്കുമെന്ന്  വാർത്താ സമ്മേളനത്തിൽ പ്രസിഡന്റ്‌ എം പി തിലകൻ, സെക്രട്ടറി എം ബി മഞ്ജു, രാജു മേക്കാടൻ, എം പി സുരേഷ് എന്നിവർ അറിയിച്ചു.