തപാൽ ബാലറ്റിന് അപേക്ഷിക്കാം

തൃശൂർ

തപാൽ ബാലറ്റിന് അപേക്ഷ സ്വീകരിച്ചു തുടങ്ങി.  പഞ്ചായത്ത് പ്രദേശത്ത് താമസിക്കുന്നവർ ഗ്രാമ/ബ്ലോക്ക്/ ജില്ലാ പഞ്ചായത്ത് തപാൽ ബാലറ്റുകൾ ലഭിക്കുന്നതിനായി നിശ്ചിത ഫോറത്തിൽ പ്രത്യേകം അപേക്ഷ സമർപ്പിക്കണം (3 എണ്ണം). ഗ്രാമ പഞ്ചായത്ത് ബാലറ്റിനായുള്ള അപേക്ഷ ബന്ധപ്പെട്ട ഗ്രാമപഞ്ചായത്ത് വരണാധികാരിക്കും, ബ്ലോക്ക്/ജില്ലാ പഞ്ചായത്ത് തപാൽ ബാലറ്റുകൾക്കുള്ള അപേക്ഷ ബന്ധപ്പെട്ട ബ്ലോക്ക് വരണാധികാരിയ്ക്കുമാണ്  സമർപ്പിക്കേണ്ടത്. 

നഗരസഭാ വാർഡുകളിലേക്കും കോർപറേഷൻ ഡിവിഷനുകളിലേക്കുമുള്ള തെരഞ്ഞെടുപ്പുമായി ബന്ധപ്പെട്ട തപാൽ ബാലറ്റിനായുള്ള അപേക്ഷ ബന്ധപ്പെട്ട നഗരസഭാ വാർഡ്/കോർപറേഷൻ ഡിവിഷൻ വരണാധികാരിക്ക്  സമർപ്പിക്കണം. ഏത് തലത്തിലേക്കുള്ള (ഗ്രാമ/ബ്ലോക്ക്/ജില്ലാ പഞ്ചായത്ത്, നഗരസഭാ വാർഡ്/കോർപറേഷൻ ഡിവിഷൻ) തപാൽ ബാലറ്റിനാണോ അപേക്ഷിക്കുന്നത് ആ തലത്തിന്റെ പേര്, നമ്പർ. എന്നിവയും വോട്ടറുടെ മേൽവിലാസം, വോട്ടർ പട്ടികയിലെ ക്രമ നമ്പർ., ഭാഗം നമ്പർ. (പാർട്ട് നമ്പർ) എന്നിവയും കൃത്യമായി രേഖപ്പെടുത്തണം. 

വോട്ടർ പട്ടികയിലെ ക്രമനമ്പർ, ഭാഗംനമ്പർ എന്നിവ അറിയുന്നതിന് http://www.lsgelection.kerala.gov.in/ എന്ന ലിങ്ക് ഉപയോഗിക്കുക. തെരഞ്ഞെടുപ്പ് ജോലിക്ക് നിയോഗിച്ചിട്ടുള്ള ഉത്തരവിന്റെ പകർപ്പ് നിർബന്ധമായും  അപേക്ഷയോടൊപ്പം ഉൾക്കൊള്ളിക്കണം. അപേക്ഷകൾ നേരിട്ടോ വരണാധികാരിയുടെ   മേൽവിലാസം രേഖപ്പെടുത്തി തപാൽ മുഖേനയോ  നൽകണം.   അപേക്ഷ  ഡിസംബർ ആറിന്  വൈകിട്ട്‌ അഞ്ചുവരെ സ്വീകരിക്കും.