07 February Tuesday

ശുചീകരണത്തൊഴിലാളിക്ക് മര്‍ദനം; ജീവനക്കാര്‍ പ്രതിഷേധിച്ചു

വെബ് ഡെസ്‌ക്‌Updated: Sunday Nov 27, 2022

കോര്‍പറേഷന്‍ ശുചീകരണ വിഭാഗം ജീവനക്കാരനെ മർദിച്ചതിൽ പ്രതിഷേധിച്ച് കെഎംസിഎസ് യു കണ്ടിൻജന്റ് വർക്കേഴ്സ് യൂണിയൻ നടത്തിയ ധർണ കണ്ണമൂല വിജയൻ ഉദ്‌ഘാടനം ചെയ്യുന്നു

തിരുവനന്തപുരം
കോർപറേഷൻ ജ​ഗതി ഹെൽത്ത് സർക്കിളിലെ ശുചീകരണത്തൊഴിലാളിയെ മർദിച്ച സംഭവത്തിൽ തിരുവനന്തപുരം മുനിസിപ്പൽ കോർപറേഷൻ വർക്കേഴ്സ് അസോസിയേഷൻ (സിഐടിയു) പ്രതിഷേധിച്ചു. 
അസോസിയേഷൻ സംസ്ഥാന ജനറൽ‌ സെക്രട്ടറി കണ്ണമ്മൂല വിജയൻ പ്രതിഷേധയോഗം ഉദ്​ഘാടനം ചെയ്തു. ജില്ലാ പ്രസിഡന്റ് ബി എസ് ചന്തു അധ്യക്ഷനായി. കെഎംസിഎസ്‌യു സംസ്ഥാന ജനറൽ സെക്രട്ടറി പി സുരേഷ്, വൈസ് പ്രസിഡന്റ് എസ് എസ് മിനു, സംസ്ഥാന കമ്മിറ്റിയം​ഗം സജീവ് എന്നിവർ സംസാരിച്ചു. 
ബുധൻ രാത്രി ഒമ്പതരയ്ക്കാണ് തുമ്പൂർ‌മൂഴിയിലെ ശുചീകരണത്തൊഴിലാളിയായ രതീഷ് രാജനെ മർദിച്ചത്. റോഡിൽ മാലിന്യം വലിച്ചെറിയുന്നത് തടഞ്ഞതിനാണ് ജീവനക്കാരനെ ആക്രമിച്ചത്. ​ഗുരുതര പരിക്കേറ്റ രതീഷ് മെഡിക്കൽ കോളേജ് ആശുപത്രിയിൽ ചികിത്സയിലാണ്. 
പ്രതിയെ ഉടൻ അറസ്റ്റുചെയ്യണമെന്ന് അസോസിയേഷൻ ആവശ്യപ്പെട്ടു.

ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..



----
പ്രധാന വാർത്തകൾ
-----
-----
 Top