22 October Thursday
പി ടി തോമസ്‌ വീക്ഷണത്തിന്‌ ലഭിച്ച ഫണ്ട്‌ മുക്കി

കോൺഗ്രസ്‌ അഴിമതിയുടെ കേന്ദ്രം ; വീക്ഷണം മുൻ മാർക്കറ്റിങ്‌ മാനേജർ സിപിഐ എമ്മിനൊപ്പം

വെബ് ഡെസ്‌ക്‌Updated: Sunday Oct 18, 2020


പ്രത്യേക ലേഖകൻ
അഴിമതിയിലും ഗ്രൂപ്പുകളിയിലും മനംമടുത്ത്‌ വീക്ഷണം പരസ്യവിഭാഗം മുൻ ചീഫ്‌ മാനേജർ ജോബി കുന്നക്കാട്ട്‌ കോൺഗ്രസ്‌ വിട്ടു. പാർടിബന്ധം ഉപേക്ഷിക്കുകയാണെന്നും ഇനി സിപിഐ എമ്മിനോട്‌ യോജിച്ച്‌ പ്രവർത്തിക്കുമെന്നും ജോബി ദേശാഭിമാനിയോട്‌ പറഞ്ഞു.  അഴിമതിയുടെയും ഗ്രൂപ്പുകളിയുടെയും സ്വജനപക്ഷപാതത്തിന്റെയും കേന്ദ്രമായി കേരളത്തിലെ കോൺഗ്രസ്‌ മാറി. സത്യസന്ധരായ പ്രവർത്തകർക്ക്‌ അവിടെ സ്ഥാനമില്ല. അഴിമതിവിരുദ്ധനെന്ന്‌ സ്വയം പ്രഖ്യാപിക്കുന്ന പി ടി തോമസ്‌ ഏറ്റവും വലിയ കാപട്യക്കാരനാണ്‌. പി ടി തോമസ്‌ മാനേജിങ്‌ ഡയറക്‌ടറായിരിക്കെ വീക്ഷണം പത്രത്തിന്‌ ലഭിച്ച കോടിക്കണക്കിന്‌ രൂപ മുക്കി. ജീവനക്കാരുടെ ശമ്പളവും ന്യൂസ്‌പ്രിന്റിന്റെ പണവും പോലും നൽകിയിട്ടില്ല.

പരിചയസമ്പന്നരെ മാറ്റി പത്രത്തിന്റെ പ്രധാനസ്ഥാനങ്ങളിലെല്ലാം സ്വന്തക്കാരെ നിയമിച്ചു. സ്വജനപക്ഷപാതിയായ ഇദ്ദേഹം എന്ത്‌ കൊള്ളരുതായ്‌മയും കാണിക്കാൻ മടിക്കാത്തവനാണെന്നും ജോബി പറഞ്ഞു.  കെടുകാര്യസ്ഥതയെ ചോദ്യം ചെയ്‌തതിനാണ്‌ പരസ്യവിഭാഗം സംസ്ഥാന ചീഫായിരുന്ന തന്നെ തിരുവനന്തപുരം ചീഫായി തരംതാഴ്‌ത്തിയത്‌‌. പറയാനുള്ളത്‌ മുഖത്തുനോക്കി പറഞ്ഞ്‌ ഇറങ്ങിപ്പോന്ന തന്നെ പി ടി തോമസ്‌ പിന്നീട്‌ ഫോണിൽ വിളിച്ച്‌ ഭീഷണിപ്പെടുത്തിയെന്നും ജോബി പറഞ്ഞു. 2005ൽ ആണ്‌ ജോബി വീക്ഷണത്തിൽ ചുമതലയേറ്റത്‌.


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..

മറ്റു വാർത്തകൾ

----
പ്രധാന വാർത്തകൾ
-----
-----
 Top