25 January Tuesday

കർഷക സമരം രാജ്യത്ത്‌ വലിയ മാറ്റമുണ്ടാക്കി: 
എ കെ ബാലൻ

വെബ് ഡെസ്‌ക്‌Updated: Thursday Nov 25, 2021
പാലക്കാട്‌
ഭരണാധികാരികളെ മുട്ടുകുത്തിച്ച്‌ മാപ്പുപറയാൻ നിർബന്ധിതരാക്കിയ വലിയ മാറ്റമാണ്‌ ഒരുവർഷം നീണ്ട കർഷകസമരത്തിന്റെ പ്രത്യേകതയെന്ന്‌ സിപിഐ എം കേന്ദ്രകമ്മിറ്റിയംഗം എ കെ ബാലൻ പറഞ്ഞു.
 രാജ്യത്തിന്റെ മൊത്തം ജനവികാരം ഉൾക്കൊണ്ട കർഷക സമരം കക്ഷി രാഷ്ട്രീയത്തിനതീതമായ വർഗസമരമായി മാറി. സിപിഐ എം ജില്ലാ സമ്മേളനത്തിന്റെ സ്വാഗതസംഘം രൂപീകരണ യോഗം ഉദ്‌ഘാടനം ചെയ്യുകയായിരുന്നു എ കെ ബാലൻ. കർഷക സമരത്തിന്‌ മുന്നിൽ മോദിക്ക്‌ മുട്ടുമടക്കേണ്ടിവന്നു. ജനങ്ങളിൽ വലിയ മാറ്റം പ്രകടമാണ്‌. ബിജെപിക്ക്‌ നിൽക്കക്കള്ളിയില്ലാതായി. ഈ സാഹചര്യത്തിൽ അവരുടെ കൈയിലെ ആയുധം ഹിന്ദുത്വമാണ്‌. അത്‌ പുറത്തെടുത്ത്‌ പ്രതിസന്ധി അതിജീവിക്കാൻ സാധിക്കുമെന്നാണ്‌ അവർ കരുതുന്നത്‌. അത്‌ ഇന്ത്യയെ വലിയ അപകടത്തിലേക്കായിരിക്കും നയിക്കുക. കേരളത്തിൽ യുഡിഎഫും ബിജെപിയും എൽഡിഎഫ്‌ സർക്കാരിനെതിരെ ഒരുമിച്ചുനീങ്ങുകയാണ്‌. വികസന പദ്ധതികൾ നടപ്പാക്കാൻ സമ്മതിക്കില്ല എന്ന വാശിയിലാണ്‌ അവർ. 
ഈ സാഹചര്യത്തിലാണ്‌ പാർടി സമ്മേളനങ്ങൾ ചേരുന്നത്‌. ജനക്ഷേമ പദ്ധതികളുമായി മുന്നോട്ട്‌ പോകുന്ന എൽഡിഎഫ്‌ സർക്കാരിനേയും പാർടിയേയും സംരക്ഷിക്കാൻ ഓരോ സിപിഐ എം പ്രവർത്തകനും രംഗത്തിറങ്ങണമെന്നും എ കെ ബാലൻ പറഞ്ഞു.

ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..



----
പ്രധാന വാർത്തകൾ
-----
-----
 Top