30 November Monday

കോവിഡ് രൂക്ഷമാക്കിയത്‌ യുഡിഎഫ്‌, ബിജെപി സമരങ്ങൾ: എ കെ ബാലൻ

വെബ് ഡെസ്‌ക്‌Updated: Monday Nov 23, 2020

എൽഡിഎഫ് പട്ടാമ്പി മുനിസിപ്പൽ തെരഞ്ഞെടുപ്പ് കൺവൻഷൻ സിപിഐ എം കേന്ദ്രകമ്മിറ്റിയംഗം എ കെ ബാലൻ ഉദ്‌ഘാടനം ചെയ്യുന്നു

പട്ടാമ്പി 
സംസ്ഥാനത്ത് കോവിഡ് വ്യാപനം രൂക്ഷമാകാൻ കാരണം യുഡിഎഫിന്റെയും ബിജെപിയുടെയും അനാവശ്യ സമരങ്ങളായിരുന്നുവെന്ന് സിപിഐ എം കേന്ദ്ര കമ്മിറ്റി അംഗം എകെ ബാലൻ.
 പട്ടാമ്പി മുനിസിപ്പൽ എൽഡിഎഫ് തെരഞ്ഞെടുപ്പ് കൺവൻഷൻ ഉദ്ഘാടനം ചെയ്യുകയായിരുന്നു അദ്ദേഹം. പട്ടാമ്പിയിലെ കോവിഡ് വ്യാപനത്തിന് നഗരസഭാ ഭരണാധികാരികൾ വഴിവച്ചു. തുടക്കത്തിൽ കോവിഡ് പ്രഥമചികിത്സാ കേന്ദ്രം തുടങ്ങുന്ന കാര്യത്തിൽപോലും നഗരസഭ തടസ്സം നിൽക്കുന്ന സമീപനമാണ് സ്വീകരിച്ചതെന്നും മന്ത്രി പറഞ്ഞു.
 സ്വർണക്കടത്തുമായി ബന്ധപ്പെട്ട് അന്വേഷണം വേണമെന്ന് പ്രധാനമന്ത്രിയോട് ആവശ്യപ്പെട്ടത്  മുഖ്യമന്ത്രിയാണ്. എന്നാൽ സംസ്ഥാന സർക്കാർ നടത്തിവരുന്ന ജനോപകാര പദ്ധതികളെ അട്ടിമറിക്കാനാണ് കേന്ദ്ര സർക്കാർ പിന്തുണയോടെ  അന്വേഷണ ഏജൻസികൾ ശ്രമിക്കുന്നത്‌. ഇത് തിരിച്ചറിയണമെന്നും എ കെ ബാലൻ പറഞ്ഞു. 
ഏരിയ കമ്മിറ്റി അംഗം കെ പി അജയൻ അധ്യക്ഷനായി. സിപിഐ എം ജില്ലാ സെക്രട്ടറിയറ്റ് അംഗം ടി കെ നാരായണദാസ്, ഏരിയ സെക്രട്ടറി എൻ പി വിനയകുമാർ, മുഹമ്മദ് മുഹസിൻ എംഎൽഎ എന്നിവർ സംസാരിച്ചു. എ വി സുരേഷ് സ്വാഗതവും കെ സി ഷാജി നന്ദിയും പറഞ്ഞു. ഭാരവാഹികൾ: ഡോ. പി കെ ഹരിദാസ് (ചെയർമാൻ), എ വി സുരേഷ് (കൺവീനർ)

ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..

----
പ്രധാന വാർത്തകൾ
-----
-----
 Top