സുന്ദരമാവും ലോകനാർകാവും പയംകുറ്റിമലയും

വടകര

കിഫ്ബിയുടെ കരുത്തും സംസ്ഥാന സർക്കാരിന്റെ കരുതലും ഒത്തുചേർന്ന് ലോകനാർകാവിലും പയംകുറ്റിമലയിലും നടക്കുന്നത് 10 കോടിയിലേറെ രൂപയുടെ വികസന പ്രവൃത്തികൾ. ലോകനാർകാവിന് തലശേരി ടൂറിസം പൈതൃക പദ്ധതിയിൽ ഉൾപ്പെടുത്തി 6.9 കോടി രൂപയും  മുടങ്ങിക്കിടന്ന ലോകനാർകാവ് ടൂറിസം പദ്ധതി പൂർത്തിയാക്കാൻ 3.6 കോടി രൂപയുമാണ് സർക്കാർ അനുവദിച്ചത്. പയംകുറ്റിമലയിൽ ടൂറിസം വകുപ്പ് അനുവദിച്ച 2.15 കോടിയുടെ വികസന പ്രവൃത്തി അവസാനഘട്ടത്തിലെത്തി. ഇരു പദ്ധതിയും പൂർത്തിയാവുന്നതോടെ കടത്തനാടിന്റെ ടൂറിസം മേഖലക്ക് പുത്തൻ ഉണർവേകുമിത്. സർഗാലയയും സാൻഡ്‌ ബാങ്ക്സും ലോകനാർകാവും പയംകുറ്റിമലയും ഉൾപ്പെടുത്തിയ ടൂറിസം കോറിഡോർ ഇതോടെ യാഥാർഥ്യമാവും.