കബഡി: നീലേശ്വരം സ്പോർട്സ് അക്കാദമിക്ക് 
ഇരട്ടക്കിരീടം

ജില്ലാ സ്പോർട്‌സ്‌ കൗൺസിൽ, ജില്ലാ കബഡി ടെക്‌നിക്കൽ കമ്മിറ്റിയുടെ സഹകരണത്തോടെ കൊളത്തറ ചുങ്കത്ത് നടത്തിയ ജൂനിയർ കബഡി ചാമ്പ്യൻഷിപ്പിൽ നീലേശ്വരം സ്പോർട്സ് അക്കാദമി ഇരട്ടക്കിരീടം നേടി. പെൺകുട്ടികളുടെയും ആൺകുട്ടികളുടെയും മത്സരത്തിൽ എൻഎസ്എയാണ് ചാമ്പ്യന്മാർ.

പെൺകുട്ടികൾ കോഴിക്കോട് സാമൂതിരി ഗുരുവായൂരപ്പൻ കോളേജിനെയും ആൺകുട്ടികൾ ശിവജി പേരാമ്പ്രയെയുമാണ് തോൽപ്പിച്ചത്. 23ന് എറണാകുളത്ത് നടക്കുന്ന സംസ്ഥാന ജൂനിയർ കബഡി മത്സരത്തിൽ പങ്കെടുക്കുന്ന ജില്ലാ ടീമിൽ എൻഎസ്എയിലെ ഏഴുപേരെ തെരഞ്ഞെടുത്തു.