29 May Sunday

ചികിത്സയ്ക്ക്‌ 
ഇ- സഞ്ജീവനി

വെബ് ഡെസ്‌ക്‌Updated: Friday Jan 28, 2022
കോട്ടയം
ആശുപത്രിയിൽ പോകാതെ ഓൺലൈനിൽ സൗജന്യമായി ചികിത്സ ലഭ്യമാക്കുന്ന ഇ -സഞ്ജീവനി വൻ പ്രചാരത്തിൽ. കോവിഡ് ഒപി, ജനറൽ ഒപി, സ്പെഷലിസ്റ്റ് ഒപി എന്നീ  വിഭാഗങ്ങളിൽ ചികിത്സയ്ക്ക് എല്ലാ ദിവസവും ഡോക്ടർമാരുടെ സേവനം ഓൺലൈനിൽ ലഭിക്കും. മൊബൈൽ ഫോണിൽ esanjeevaniOPD എന്ന ആപ്ലിക്കേഷൻ ഇൻസ്റ്റാൾ ചെയ്തോ www.esanjeevaniopd.in എന്ന പോർട്ടലിലൂടെയോ പ്രവേശിച്ച് വ്യക്തിഗതവിവരങ്ങളും മുൻ ചികിത്സാ റിപ്പോർട്ടുകളും പരിശോധന ഫലങ്ങളും നൽകി രജിസ്റ്റർ ചെയ്യണം. തുടർന്ന് ടോക്കൺ നമ്പർ ലഭിക്കും. ലോഗിൻ ഓപ്ഷൻ ഉപയോഗിച്ച് ലോഗിൻ ചെയ്ത് ടോക്കൺ നമ്പർ നൽകുമ്പോൾ എത്ര സമയത്തിനകം ഡോക്ടറുമായി സംസാരിക്കാൻ സാധിക്കും എന്ന വിവരം അറിയാനാകും. ആ സമയത്ത് ഡോക്ടർ രോഗിയുമായി വീഡിയോ മുഖേന സംസാരിച്ച് ചികിത്സാ വിധികൾ നിർദേശിക്കും. ചികിത്സാ വിധി മൊബൈലിൽ അല്ലെങ്കിൽ കംപ്യൂട്ടറിൽ തന്നെ പി ഡി എഫ് രൂപത്തിൽ അയച്ചു നൽകും.
  കോവിഡ് രോഗികൾക്കുള്ള ഒപി എല്ലാ ദിവസവും 24 മണിക്കൂറും ജനറൽ ഒപി  വിഭാഗം എല്ലാ ദിവസവും രാവിലെ എട്ടു മുതൽ വൈകിട്ട് എട്ട് വരെയും പ്രവർത്തിക്കും.മാതൃ, ശിശുരോഗ വിഭാഗം, സർജറി, ജനറൽ മെഡിസിൻ, പാലിയേറ്റീവ് കെയർ, മാനസിക രോഗചികിത്സ, ദന്ത ചികിത്സ, നെഞ്ച് രോഗ വിഭാഗം, അസ്ഥിരോഗ വിഭാഗം, ഹൃദ്രോഗ വിഭാഗം തുടങ്ങിയവ എല്ലാദിവസവും രാവിലെ ഒമ്പതു മുതൽ  ഒന്നു വരെ ലഭ്യമാണ്.
മാനസിക രോഗചികിത്സ, കാൻസർ ചികിത്സ എന്നിവയ്ക്കു ബംഗളൂരു നിംഹാൻസ്‌, തിരുവനന്തപുരം ആർസിസി  എന്നിവയിൽനിന്നുള്ള വിദഗ്ധരുടെ സേവനവും ലഭിക്കും. https://esanjeevaniopd.in/Timings എന്ന ലിങ്കിൽ പ്രവേശിച്ച് കേരളം തെരഞ്ഞെടുത്താൽ മറ്റു വിദഗ്ധ ഒപി സമയക്രമം അറിയാനാകും.
 

ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..



----
പ്രധാന വാർത്തകൾ
-----
-----
 Top