14 August Friday

ഓൺലൈൻ പ്രഭാഷണപരമ്പര തുടങ്ങി

വെബ് ഡെസ്‌ക്‌Updated: Tuesday Jul 7, 2020

പുരോഗമന കലാസാഹിത്യ സംഘം ജില്ലാ കമ്മിറ്റി സംഘടിപ്പിച്ച ബഷീർ അനുസ്മരണവും പ്രഭാഷണപരമ്പരകളുടെ ഉദ്ഘാടനവും ഫെയ്സ് ബുക്ക് ലൈവിലൂടെ വൈക്കം വിശ്വൻ നിർവഹിക്കുന്നു

കോട്ടയം
പുരോഗമന കലാസാഹിത്യ സംഘം ജില്ലാ കമ്മിറ്റിയുടെ ആഭിമുഖ്യത്തിൽ ബഷീർ ചരമവാർഷിക ദിനത്തിൽ ആരംഭിച്ച ഓൺലൈൻ പ്രഭാഷണ പരമ്പര സിപിഐ എം കേന്ദ്രകമ്മിറ്റിയംഗം വൈക്കം വിശ്വൻ ഉദ്‌ഘാടനംചെയ്‌തു. സാമൂഹ്യ ജീവിതത്തിന്റെ ഏടുകൾ അപ്പാടെ പകർത്തി സമൂഹത്തിൽ മാറ്റം വരുത്താനാണ് ബഷീർ ശ്രമിച്ചതെന്ന്‌ അദ്ദേഹം പറഞ്ഞു.    
  വ്യത്യസ്‌ത തലത്തിൽ ബഷീർ സാഹിത്യത്തെ വിമർശിച്ചവർ ഫ്യൂഡൽ യാഥാസ്ഥിതിക ബോധത്തിന്റെ വക്താക്കളായിരുന്നുവെന്നും അദ്ദേഹം പറഞ്ഞു. പുകസ കോട്ടയം ഫെയ്സ് ബുക്ക് ലൈവിലൂടയായിരുന്നു ഉദ്‌ഘാടനം. തുടർന്നുള്ള ദിവസങ്ങളിൽ വിവിധ വിഷയങ്ങളിൽ പ്രമുഖർ പ്രഭാഷണം നടത്തുമെന്ന് സംഘം ജില്ലാ സെക്രട്ടറി അഡ്വ. എൻ ചന്ദ്രബാബു പറഞ്ഞു.

ദേശാഭിമാനി ഇപ്പോള്‍ ടെലഗ്രാമിലും ലഭ്യമാണ്‌. കൂടുതല്‍ വാര്‍ത്തകള്‍ക്കും അപ്ഡേറ്റുകള്‍ക്കുമായി ടെലഗ്രാം ചാനല്‍ സബ്സ്ക്രൈബ് ചെയ്യാം.

മറ്റു വാർത്തകൾ
പ്രധാന വാർത്തകൾ
 Top