27 January Monday

കല്ലടയാറ്‌, അഷ്-ടമുടിക്കായൽ സംരക്ഷണത്തിന് സിപിഐ എം പദ്ധതി

വെബ് ഡെസ്‌ക്‌Updated: Tuesday Dec 10, 2019
കൊല്ലം
കല്ലടയാറ്‌, ഇത്തിക്കരയാറ്‌, പള്ളിക്കലാറ്‌, അച്ചൻകോവിലാറ്‌, അഷ്-ടമുടിക്കായൽ എന്നിവയുടെ സംരക്ഷണത്തിന് സിപിഐ എം നേതൃത്വ ത്തിൽ കർമപദ്ധതി നടപ്പാക്കുന്നു. ഇതിന്റെ ഭാഗമായി ജലാശയങ്ങൾ കടന്നുപോകുന്ന പ്രദേശങ്ങളിലെ നാല് മേഖലകളിലായി ജനപ്രതിനിധികളും വിവിധ സംഘടനാ ഭാരവാഹികളും പങ്കെടുക്കുന്ന ആലോചനാ യോഗങ്ങൾ ചേരുമെന്ന് സിപിഐ എം ജില്ലാ സെക്രട്ടറി എസ്- സുദേവൻ അറിയിച്ചു.
കല്ലടയാറ്‌ സംരക്ഷണത്തിനുള്ള പ്രായോഗിക പ്രവർത്തനങ്ങൾക്കായുള്ള യോഗം 16ന്‌ വൈകിട്ട്- നാലിന്‌ പുനലൂർ പിഡബ്ല്യൂഡി റെസ്റ്റ്- ഹൗസ്- കോൺഫറൻസ്‌ ഹാളിൽചേരും.  ജില്ലയിലെ പ്രധാന ജലസ്രോതസ്സുകൾ കല്ലടയാറും ഇത്തിക്കരയാറും ശാസ്-താംകോട്ട, അഷ്-ടമുടി, ഇടവ, നടയറ എന്നീ കായലുകളുമാണ്. അച്ചൻകോവിലാറ്‌ ജില്ലയിലാണ് ഉത്ഭവിക്കുന്നതെങ്കിലും ആലപ്പുഴ, പത്തനംതിട്ട ജില്ലകളിലൂടെ ഒഴുകുന്നു. സഹ്യമലനിരകളിൽനിന്ന് ഉത്ഭവിക്കുന്ന കുളത്തൂപ്പുഴയാറും കഴുതുരുട്ടിയാറും ചെന്തരുണിയാറും സംഗമിക്കുന്നതാണ് കല്ലടയാറ്‌. പൊങ്ങുമലയാറ്‌, ഗിരികലയാറ്‌, ശങ്കലിപ്പലയാറ്‌ എന്നീ നദികൾ ചേർന്നാണ് കുളത്തൂപ്പുഴയാറ്‌ ഉണ്ടാകുന്നത്-. ഇവ താഴേക്കൊഴുകി പരപ്പാർ എന്ന സ്ഥലത്ത്- കഴുതുരുട്ടിയാറുമായി സംഗമിച്ചാണ്‌ കല്ലടയാറ്‌ രൂപം കൊള്ളുന്നത്-. 121 കിലോമീറ്റർ നീളമുള്ള കല്ലടയാറ്‌ മുഖ്യമായും പത്തനാപുരം, കൊട്ടാരക്കര, കൊല്ലം താലൂക്കുകളിലൂടെ ഒഴുകി അഷ്-ടമുടിക്കായലിൽ ചേരുന്നു. ഇത്തിക്കര നദിയ്ക്ക്‌ 260 ചതുരശ്ര കിലോമീറ്റർ വിസ്-തീർണമുള്ള നീർമറി പ്രദേശവും 56 കിലോമീറ്റർ നീളവുമുണ്ട്-്-. പരവൂർ കായലിൽ ചെന്നുചേരുന്ന
നദിയുടെ കുറെഭാഗം കൊട്ടാരക്കര, പത്തനാപുരം, കൊല്ലം താലൂക്കുകളിലാണ്. ജലസ്രോതസ്സുകളുടെ സംരക്ഷണം വൻ ജനകീയ പങ്കാളിത്തത്തോടെ നടപ്പാക്കുന്നതിനുള്ള കർമ പദ്ധതിക്കാണ്‌ സിപിഐ എം രൂപം നൽകുന്നതെന്നും ജില്ലാ സെക്രട്ടറി പറഞ്ഞു.
പ്രധാന വാർത്തകൾ
 Top