11 August Tuesday

വിജയം ആഘോഷിച്ച്‌ ഇറ്റലി

ജയന്‍ ഇടയ്ക്കാട്Updated: Saturday Jul 4, 2020
 
കൊല്ലം
‘ഇന്ത്യയുടെ അനീതിക്കെതിരെ നീതിയുടെ വിജയം. എല്ലാവരെയും കെട്ടിപ്പിടിച്ചു സന്തോഷം പങ്കിടണമെന്നാണ്‌ ആഗ്രഹം. കൊറോണയായതിനാൽ കഴിയുന്നില്ല’– പ്രതികളിലൊരാളായ മാസിമിലാനോ ലത്തോറെ ഫെയ്സ്‌ബുക്കിൽ കുറിച്ചു. വെള്ളിയാഴ്‌ച ഇറങ്ങിയ പ്രമുഖ പത്രം ‘റിപ്പബ്ലിക്ക’‌ ഒടുവിൽ വിജയം ഇറ്റലിക്കെന്നാണ്‌‌ വിശേഷിപ്പിച്ചത്‌. ‘പുഞ്ചിരിയോടെ ഇരുവരും’ എന്ന തലക്കെട്ടിൽ കേസിലെ പ്രതികളുടെ ചിത്രം സഹിതമാണ്‌ ‘ലാ ഗസറ്റ’  വാർത്ത നൽകിയത്‌. മിടുക്കരായ സൈനികർ എന്ന്‌ ‘റക്‌സേൻ ഇറ്റാലിയ’ വിശേഷിപ്പിച്ചു. ഒന്നും നഷ്‌ടപ്പെടുത്താത്ത വിധി, ഏറെ സന്തോഷപ്രദം എന്ന്‌ ഇറ്റലിയിലെ ദേശീയ ടെലിവിഷൻ ചാനലിൽ വിദേശകാര്യമന്ത്രി ലൂയിജി ഡിമായിയോ പ്രതികരിച്ചു. 
വിധിവന്നശേഷം ആഹ്ലാദത്തിലാണ് ഇറ്റലിയെന്ന്‌ വെനീസിൽ താമസിക്കുന്ന കൊല്ലം സ്വദേശി ജോൺ കെന്നഡി ‘ദേശാഭിമാനി’യോട്‌ പറഞ്ഞു. പ്രതികളായ സൈനികർ ദക്ഷിണ ഇറ്റലിക്കാരാണ്‌. മാസിമിലാനോ ലാത്തോറിന്റെ പുനർവിവാഹം ജൂൺ രണ്ടിനായിരുന്നു. പ്രതികൾക്കെതിരെ റോമിൽ കേസ്‌ തുടരുമെന്ന്‌ ഇറ്റാലിയൻ സർക്കാർ അന്താരാഷ്‌ട്ര കോടതിയെ അറിയിച്ചിട്ടുണ്ടെങ്കിലും അത്‌ പാലിക്കുമെന്ന്‌ ഉറപ്പില്ല.

ദേശാഭിമാനി ഇപ്പോള്‍ ടെലഗ്രാമിലും ലഭ്യമാണ്‌. കൂടുതല്‍ വാര്‍ത്തകള്‍ക്കും അപ്ഡേറ്റുകള്‍ക്കുമായി ടെലഗ്രാം ചാനല്‍ സബ്സ്ക്രൈബ് ചെയ്യാം.

പ്രധാന വാർത്തകൾ
 Top