03 June Wednesday

എറണാകുളം ജില്ലയിലെ വിദ്യാഭ്യാസ സ്ഥാപനങ്ങൾക്ക്‌ അവധി; ഇന്നത്തെ ജനശതാബ്‌ദിയും 7 പാസഞ്ചറും റദ്ദാക്കി

വെബ് ഡെസ്‌ക്‌Updated: Tuesday Oct 22, 2019

തിരുവനന്തപുരം > കനത്ത മഴ കാരണം ചൊവ്വാഴ്‌ച 12081 കണ്ണൂർ–- തിരുവനന്തപുരം ജനശതാബ്‌ദി റദ്ദാക്കി. 56365/ 56366 ഗുരുവായൂർ–-പുനലൂർ–-ഗുരുവായൂർ, 56361 ഷൊർണൂർ –-എറണാകുളം, 56379 എറണാകുളം–-ആലപ്പുഴ, 56380 കായംകുളം–-എറണാകുളം (ആലപ്പുഴ വഴി), 56394 കൊല്ലം–-കോട്ടയം, 56393 /56394 കോട്ടയം–-കൊല്ലം–-കോട്ടയം പാസഞ്ചറുകളും റദ്ദാക്കിയിട്ടുണ്ട്‌. തിങ്കളാഴ്‌ച ദീർഘദൂര ട്രെയിനുകൾ മണിക്കൂറുകളോളം വൈകി. ചിലത്‌ വഴിതിരിച്ചുവിട്ടു. 

എറണാകുളം ജില്ലയിലെ പ്രൊഫഷണൽ കോളജുകൾ ഉൾപ്പെടെയുള്ള വിദ്യാഭ്യാസ സ്ഥാപനങ്ങൾക്ക്‌ ചൊവ്വാഴ്‌ച ജില്ലാ കലക്ടർ അവധി പ്രഖ്യാപിച്ചു.
കേന്ദ്ര സർക്കാർ വിദ്യാഭ്യാസ സ്ഥാപനങ്ങൾക്കും അവധി ബാധകമായിരിക്കും.

ജാഗ്രത പാലിക്കണം: മുഖ്യമന്ത്രി

കേന്ദ്ര കാലാവസ്ഥാ വകുപ്പ് സംസ്ഥാനത്തെ ഏഴു ജില്ലകളിൽ റെഡ് അലർട്ട് പ്രഖ്യാപിച്ച സാഹചര്യത്തിൽ ജനങ്ങൾ ജാഗ്രത പാലിക്കണമെന്ന്‌ മുഖ്യമന്ത്രി പിണറായി വിജയൻ പറഞ്ഞു.  സംസ്ഥാന ദുരന്ത നിവാരണ അതോറിറ്റിയുടെ നിർദ്ദേശങ്ങൾ പാലിക്കണമെന്നും മുഖ്യമന്ത്രി അഭ്യർഥിച്ചു.


പ്രധാന വാർത്തകൾ
 Top