12 August Wednesday

പരാമർശം അപമാനകരം: എം സി ജോസഫൈൻ

വെബ് ഡെസ്‌ക്‌Updated: Sunday Jun 21, 2020


കൊച്ചി
ആരോഗ്യമന്ത്രി കെ കെ ശൈലജയ്‌ക്കെതിരായ കെപിസിസി പ്രസിഡന്റ് മുല്ലപ്പള്ളി രാമചന്ദ്രന്റെ പരാമർശങ്ങൾ അപമാനകരമാണെന്ന് വനിതാ കമീഷൻ അധ്യക്ഷ എം സി ജോസഫൈൻ. ഒരു വനിതാ മന്ത്രിക്കെതിരെ പറയാൻ പാടില്ലാത്ത വാക്കുകളാണ് മുല്ലപ്പള്ളി പറഞ്ഞത്‌. ആ വാക്കുകളിൽ ഉറച്ചുനിൽക്കുന്നതായും പറഞ്ഞു.
ഒരു രാഷ്ട്രീയക്കാരന് യോജിക്കാത്ത സ്ത്രീവിരുദ്ധ പരാമർശങ്ങൾ പിൻവലിക്കാൻ മുല്ലപ്പള്ളി തയ്യാറാകണം. കോവിഡിന്‌ എതിരായ പ്രവർത്തനത്തിനു നേതൃത്വം കൊടുക്കുന്നത് ഒരു വനിതാ മന്ത്രി ആയതുകൊണ്ടാണ് ഇത്തരം പുരുഷ മേധാവിത്വ ലക്ഷണങ്ങൾ മുല്ലപ്പള്ളി പ്രകടിപ്പിക്കുന്നത്. മുല്ലപ്പള്ളിയുടെ പ്രതികരണത്തെ വനിതാ കമീഷൻ അപലപിക്കുന്നുവെന്നും നിയമനടപടിയെക്കുറിച്ച് ആലോചിക്കുമെന്നും ജോസഫൈൻ പറഞ്ഞു.


ദേശാഭിമാനി ഇപ്പോള്‍ ടെലഗ്രാമിലും ലഭ്യമാണ്‌. കൂടുതല്‍ വാര്‍ത്തകള്‍ക്കും അപ്ഡേറ്റുകള്‍ക്കുമായി ടെലഗ്രാം ചാനല്‍ സബ്സ്ക്രൈബ് ചെയ്യാം.

മറ്റു വാർത്തകൾ

പ്രധാന വാർത്തകൾ
 Top