23 November Monday

ദുരാരോപണങ്ങളാൽ പുഷ്‌പനെ തളർത്താനാകില്ല: ഡിവൈഎഫ്‌ഐ

വെബ് ഡെസ്‌ക്‌Updated: Tuesday Oct 20, 2020


ദുരാരോപണങ്ങൾകൊണ്ട്‌ പുഷ്‌പനെന്ന ജീവിക്കുന്ന ഇതിഹാസത്തെ തളർത്താനാകില്ലെന്ന്‌ ഡിവൈഎഫ്ഐ സംസ്ഥാന സെക്രട്ടറിയറ്റ്‌. ചില മാധ്യമങ്ങളും ബിജെപി-, -കോൺഗ്രസ്-, -മുസ്ലിംലീഗ് പ്രവർത്തകരും നടത്തുന്നത് നീചമായ പ്രചാരണമാണ്. പുഷ്‌പന്റെ സഹോദരൻ ബിജെപിയിൽ ചേർന്നത് മഹാസംഭവമായി അവതരിപ്പിക്കുന്നത് ഇടതുപക്ഷവിരുദ്ധ പ്രചാരണത്തിന്റെ ഭാഗമാണ്. അയാൾ ഇടതുപക്ഷ  പ്രസ്ഥാനങ്ങളിൽ അംഗമായിരുന്നില്ല.

അദ്ദേഹം തന്നോടും സഹോദരങ്ങളോടും അകലം പാലിച്ചിരുന്നുവെന്നും കുടുംബപ്രശ്‌നങ്ങളിലും നീതീകരിക്കാനാകാത്ത നിലപാടാണ് സ്വീകരിച്ചിരുന്നതെന്നും പുഷ്‌പൻ പ്രതികരിച്ചിട്ടുണ്ട്. ഒരു വ്യക്തി ബിജെപിയിൽ അംഗത്വമെടുത്തു എന്നതിനപ്പുറത്ത് രാഷ്‌ട്രീയ പ്രാധാന്യം ഇതിനില്ല.

സൈബർ ഇടങ്ങളിലും ചില മാധ്യമങ്ങളിലും നടക്കുന്ന ദുഷ്‌പ്രചാരണങ്ങളെ സെക്രട്ടറിയറ്റ് ശക്തമായി അപലപിച്ചു. സംഘടനയെ തളർത്താൻ ഇത്തരം ആരോപണങ്ങൾക്ക് കഴിയില്ലെന്നും ഡിവൈഎഫ്‌ഐ സംസ്ഥാന സെക്രട്ടറിയറ്റ് പ്രസ്‌താവനയിൽ പറഞ്ഞു.


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..


----
പ്രധാന വാർത്തകൾ
-----
-----
 Top