20 September Sunday

കേന്ദ്ര സഹമന്ത്രിയുടെ യാത്രയിൽ ദുരൂഹത ; സ്വന്തം വീടൊഴിവാക്കി രാജ്‌ഭവനിൽ തങ്ങിയതെന്തിന്‌

വെബ് ഡെസ്‌ക്‌Updated: Tuesday Sep 15, 2020


തിരുവനന്തപുരം
സ്വർണക്കടത്ത്‌ കേസിൽ അനിൽ നമ്പ്യാരെ ചോദ്യം ചെയ്‌തതിന്‌ പിന്നാലെ കൊച്ചിയിലേക്കും അവിടെനിന്ന്‌ തിരുവനന്തപുരത്തുമെത്തിയ കേന്ദ്ര സഹമന്ത്രി വി മുരളീധരന്റെ  യാത്രയിൽ ദുരൂഹത. തിരുവനന്തപുരത്തെ  വീട്‌ അടച്ചിട്ട്‌ കേന്ദ്രമന്ത്രി രാജ്‌ഭവനിൽ താമസിച്ചതാണ്‌ ഇന്റലിജൻസ്‌ വൃത്തങ്ങളിൽ സംശയം ജനിപ്പിച്ചിരിക്കുന്നത്‌.

ആഗസ്‌ത്‌ 27നാണ്‌ അനിൽ നമ്പ്യാരെ കൊച്ചിയിൽ വിളിച്ചുവരുത്തി കസ്‌റ്റംസ്‌ ചോദ്യം ചെയ്‌തത്‌. അന്ന്‌ തന്നെ തിരക്കിട്ട്‌ മന്ത്രി നെടുമ്പാശ്ശേരിയിൽ വിമാനമിറങ്ങി. 29ന്‌ രാത്രിയിൽ  എറണാകുളം ഗസ്‌റ്റ്‌ ഹൗസിൽ വച്ച്‌  ചില ഉന്നത ഉദ്യോഗസ്ഥരുമായി കൂടിക്കാഴ്‌ചയും നടത്തി ‌.

പിറ്റേന്ന്‌ രാത്രി തന്നെ തിരുവനന്തപുരത്തെത്തിയ മന്ത്രി ഉള്ളൂരിലെ വീട്ടിൽ താമസിക്കാതെ അന്നും പിറ്റേന്നും രാജ്‌ഭവനിലെ ഗസ്‌റ്റ്‌ഹൗസിലാണ്‌ കഴിഞ്ഞത്‌. സ്വന്തം വീട്‌ ഒഴിവാക്കി രാജ്‌ഭവൻ ഗസ്‌റ്റ്‌ഹൗസ്‌ തെരഞ്ഞെടുത്തതിന്‌ പിന്നിൽ മറ്റ്‌ ലക്ഷ്യങ്ങൾ ഉണ്ടെന്നാണ്‌ ഇന്റലിജൻസ്‌ കേന്ദ്രങ്ങളുടെ സംശയം.

രാജ്‌ഭവനിലെ അതിഥി മന്ദിരത്തിൽ സാധാരണ കേന്ദ്രമന്ത്രിമാർ താമസിക്കാറില്ല.  ഇത്‌ യാത്ര ഔദ്യോഗികമാക്കി തെറ്റിദ്ധരിപ്പിക്കാനാണെന്നാണ്‌ ഇന്റലിജൻസ്‌ വൃത്തങ്ങൾ പറയുന്നത്‌.


ദേശാഭിമാനി ഇപ്പോള്‍ ടെലഗ്രാമിലും ലഭ്യമാണ്‌. കൂടുതല്‍ വാര്‍ത്തകള്‍ക്കും അപ്ഡേറ്റുകള്‍ക്കുമായി ടെലഗ്രാം ചാനല്‍ സബ്സ്ക്രൈബ് ചെയ്യാം.

മറ്റു വാർത്തകൾ

----
പ്രധാന വാർത്തകൾ
-----
-----
 Top