05 July Tuesday

എസ്‌എസ്‌എൽസി മൂല്യനിർണയത്തിന്‌ 
ആദ്യ ദിനം 93% ഹാജർ

വെബ് ഡെസ്‌ക്‌Updated: Thursday May 12, 2022


തിരുവനന്തപുരം
എസ്‌എസ്‌എൽസി മൂല്യനിർണയ ക്യാമ്പുകൾക്ക്‌ തുടക്കമായി. മൂല്യനിർണയത്തിന്‌ എത്തേണ്ട 8960 അധ്യാപകരിൽ ആദ്യദിനം 93 ശതമാനം പേർ ക്യാമ്പുകളിലെത്തിയതായി പരീക്ഷാ ഭവൻ അറിയിച്ചു. 72 ക്യാമ്പിൽ 64 എണ്ണത്തിലും 100 ശതമാനമായിരുന്നു ഹാജർ.
ഇടുക്കി, വയനാട്‌, മലപ്പുറം ജില്ലകളിൽ ചില പ്രദേശങ്ങളിലെ പ്രതികൂല കാലാവസ്ഥ കാരണമാണ്‌ ഏഴ്‌ ശതമാനം പേർക്ക്‌ എത്താനാകാതെ വന്നത്‌. വെള്ളിയാഴ്‌ച മുഴുവൻ പേരെയും ക്യാമ്പുകളിലെത്തിക്കാനുള്ള ചുമതല ഡിഇഒമാർക്ക്‌ നൽകിയിട്ടുണ്ട്‌.
മുന്‍വര്‍ഷങ്ങളില്‍ ആദ്യ ദിവസം 80 ശതമാനത്തിലധികം അധ്യാപകർ ക്യാമ്പുകളിൽ എത്തിയിരുന്നില്ല. ആവശ്യമുള്ളതിന്റെ മൂന്നിരട്ടി അധ്യാപകർ മൂല്യനിർണയത്തിനായുള്ള കരുതല്‍ പട്ടികയിലുണ്ട്. 27ന്‌ ക്യാമ്പ്‌ അവസാനിക്കും.


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..




----
പ്രധാന വാർത്തകൾ
-----
-----
 Top