19 September Saturday

കോട്ടയത്ത് കാർ ഒഴുക്കിൽപ്പെട്ട് കാണാതായ യുവാവ് മരിച്ചു; മൃതദേഹം കണ്ടെത്തി

വെബ് ഡെസ്‌ക്‌Updated: Sunday Aug 9, 2020

കോട്ടയം > കോട്ടയം മണർകാടിൽ ഒഴുക്കിൽ പെട്ട് കാണാതായ കാർ കണ്ടെത്തി. ഡ്രൈവറെയും മരിച്ച നിലയിൽ കണ്ടെത്തി. അങ്കമാലി മഞ്ഞപ്ര സ്വദേശി ജസ്റ്റിനാണ് മരിച്ചത്. മൃതദേഹം പുറത്തെടുത്തതിന് ശേഷം ആശുപത്രിയിലേക്ക് മാറ്റിയിരിക്കുകയാണ്.

മീനച്ചിലാറിന്റെ കൈവഴിയിൽ നിന്നാണ് കുത്തൊഴുക്കുണ്ടായത്. ഇന്ന് പുലർച്ചെ രണ്ടുമണിയോടെയായിരുന്നു അപകടം. ഒഴുക്കിൽപ്പെട്ട കാർ അടുത്തുള്ള പാടത്ത് നിന്നാണ് കണ്ടെത്തിയത്. ജസ്റ്റിന്റെ മൃതദേഹവും കണ്ടെത്തി. വിമാനത്താവളത്തിലെ ടാക്‌സി ഡ്രൈവറായിരുന്നു ജസ്റ്റിൻ. 

മല്ലപ്പള്ളിയിൽ ആളെ ഇറക്കി തിരികെ വരുമ്പോൾ നാലുമണിക്കാറ്റിന് സമീപം വെച്ച് കാർ റോഡിൽ നിന്ന് വെളളക്കെട്ടിലേക്ക് തെന്നിനീങ്ങുകയായിരുന്നു. തുടർന്ന് ജസ്റ്റിൻ തന്നെയെത്തി വണ്ടി പുറത്തെടുക്കാനായി ക്രെയിൻ സർവീസിന്റെ സഹായം തേടിയിരുന്നു. അതിനിടയിലാണ് ജസ്റ്റിൻ അപകടത്തിൽ പെട്ടത്. തുടർന്ന് ഫയർഫോഴ്സ് സംഘം രാത്രി തിരച്ചിൽ നടത്തിയെങ്കിലും ഇരുട്ടും കനത്തമഴയും രക്ഷാപ്രവർത്തനത്തിന് തടസമായി. ഞായറാഴ്ച രാവിലെ ഒൻപതുമണിയോടുകൂടിയാണ് തിരച്ചിൽ പുനരാരംഭിക്കുകയായിരുന്നു.

 


ദേശാഭിമാനി ഇപ്പോള്‍ ടെലഗ്രാമിലും ലഭ്യമാണ്‌. കൂടുതല്‍ വാര്‍ത്തകള്‍ക്കും അപ്ഡേറ്റുകള്‍ക്കുമായി ടെലഗ്രാം ചാനല്‍ സബ്സ്ക്രൈബ് ചെയ്യാം.

മറ്റു വാർത്തകൾ

----
പ്രധാന വാർത്തകൾ
-----
-----
 Top