31 October Saturday

സ്വപ്‌ന പറഞ്ഞതുപ്രകാരം ചെന്നിത്തലയ്‌ക്ക് നൽകിയത്‌ ഐ ഫോൺ ; യുണിടാക്‌ എംഡിയുടെ മൊഴി

വെബ് ഡെസ്‌ക്‌Updated: Friday Oct 2, 2020


തിരുവനന്തപുരം>
സ്വർണക്കടത്തുകേസിലെ പ്രതി സ്വപ്‌ന സുരേഷ്‌ ആവശ്യപ്പെട്ടതുപ്രകാരം പ്രതിപക്ഷ നേതാവ്‌ രമേശ്‌ ചെന്നിത്തലയ്‌ക്ക് ഐ ഫോണുകൾ വാങ്ങി നൽകിയിരുന്നുവെന്ന്‌ യൂണിടാക്‌ എം ഡി സന്തോഷ്‌ ഈപ്പൻ. സിബിഐ അന്വേഷണത്തിനെതിരെ സന്തോഷ്‌ ഈപ്പൻ  ഹൈക്കോടതിയിൽ നൽകിയ ഹർജിയിലാണ്‌ ഈ വെളിപ്പെടുത്തൽ. 2019 ഡിസംബർ രണ്ടിന്‌ തിരുവനന്തപുരത്ത്‌ യുഎഇ കോൺസുലേറ്റ്‌ സംഘടിപ്പിച്ച യുഎഇ ദേശീയ ദിനാഘോഷ ചടങ്ങിലെ മുഖ്യാതിഥിയായിരുന്നു രമേശ്‌ ചെന്നിത്തല. ചെന്നിത്തലയ്‌ക്കും വേദിയിലെ മറ്റ്‌ അതിഥികൾക്കും നൽകാനായി അഞ്ച്‌ ഐ ഫോൺ സ്വപ്‌ന സുരേഷ്‌ ആവശ്യപ്പെട്ടെന്നാണ്‌ സന്തോഷിന്റെ ഹർജിയിൽ പറയുന്നത്‌.

സ്വപ്‌ന ആവശ്യപ്പെട്ടതുപ്രകാരം അഞ്ച്‌ ഫോണും വാങ്ങി നൽകിയതായും അവ ചെന്നിത്തലയ്‌ക്കും മറ്റ്‌ അതിഥികൾക്കും നൽകിയതായും ഹർജിയിൽ പറയുന്നു. 2019 നവംബർ 29ന്‌ ഫോണുകൾ വാങ്ങിയതിന്റെ ബില്ലും സന്തോഷ്‌ കോടതിയിൽ ഹാജരാക്കി.

ഭാവിയിൽ കോൺസുലേറ്റുമായി ബന്ധപ്പെട്ട നിർമാണ കരാറുകൾ പ്രതീക്ഷിച്ചാണ്‌ കൈക്കൂലി നൽകിയതെന്നും ഹർജിയിൽ പറയുന്നു.
 


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..

മറ്റു വാർത്തകൾ

----
പ്രധാന വാർത്തകൾ
-----
-----
 Top