30 May Saturday

നിരീക്ഷണത്തിൽ 9213 പേർ

വെബ് ഡെസ്‌ക്‌Updated: Friday Mar 27, 2020

കണ്ണൂർ

ജില്ലയിൽ കോവിഡ്‌ രേഗബാധ സംശയിച്ച്‌ നിരീക്ഷണത്തിൽ കഴിയുന്നവരുടെ എണ്ണം 9213 ആയി ഉയർന്നു. ഇതിൽ 80 പേർ ആശുപത്രികളിലാണ്‌. 40 പേർ കണ്ണൂർ ഗവ. മെഡിക്കൽ കോളേജിലും  24 പേർ കണ്ണൂർ ജില്ലാ ആശുപത്രിയിലും 16 പേർ തലശേരി ജനറൽ ആശുപത്രിയിലും. വീടുകളിൽ ഐസൊലേഷനിൽ കഴിയുന്നത്‌ 9133 പേർ.
ഇതുവരെയായി 269 സാമ്പിളുകൾ പരിശോധനയ്ക്കയച്ചതിൽ 169 എണ്ണത്തിന്റെ ഫലം ലഭ്യമായി. ഇതിൽ 164 എണ്ണത്തിന്റെ ഫലം നെഗറ്റീവ് ആണ്. 100 എണ്ണത്തിന്റെ ഫലം ലഭിക്കാനുണ്ട്. 
കഴിഞ്ഞ 24 മണിക്കൂറിനുള്ളിൽ കിളിയന്തറ ചെക്ക് പോസ്റ്റിലൂടെ  കടന്നുപോയ 151 വാഹനങ്ങളിലെത്തിയ 431 യാത്രക്കാരെ സ്ക്രീൻ ചെയ്തു. ജില്ലയിൽ സജ്ജമാക്കിയ 1848 ടീമുകൾ വ്യാഴാഴ്‌ച 23,568 വീടുകൾ സന്ദർശിച്ച് ബോധവൽക്കരണം നടത്തി.
ബ്രേക്ക് ദി ചെയിൻ ക്യാമ്പയിനിന്റെ ഭാഗമായി ഇതുവരെയായി  7900 സ്ഥാപനങ്ങൾ സന്ദർശിച്ചതിൽ 3764 ഇടങ്ങളിൽ ബ്രേക്ക് ദി ചെയിൻ കിയോസ്ക് സ്ഥാപിച്ചതായി കണ്ടു.  ഈ സ്ഥാപനങ്ങളിലുള്ള 310 അതിഥി തൊഴിലാളികൾക്ക് ബോധവൽക്കരണവും ഹിന്ദിയിലുള്ള ലഘുലേഖ വിതരണവും നടത്തി. വ്യാഴാഴ്‌ച തളിപ്പറമ്പ്, തലശേരി, കണ്ണൂർ എന്നിവിടങ്ങളിലെ 12 കേന്ദ്രങ്ങൾ സന്ദർശിച്ച് 232 അതിഥി തൊഴിലാളികൾക്ക് ബോധവൽക്കരണം നൽകിയതായി ഡിഎംഒ അറിയിച്ചു.  ജില്ലയിലെ 10,763 അതിഥി തൊഴിലാളികൾക്ക് ബോധവൽക്കരണം നൽകി.
പ്രധാന വാർത്തകൾ
 Top