ഓർമകളുടെ ഡബിൾ ബെൽ....

 ഗൃഹാതുരമായ ഓർമകളുടെ ചക്രങ്ങളിലൂടെയാണ് ഓരോ കെ എസ് ആർടിസി ബസും നമുക്ക് മുന്നിൽ ഇപ്പോഴും ഓടിക്കൊണ്ടിരിക്കുന്നത്.  ഹൈറേഞ്ചുകാരുടെ പിന്നിട്ട വഴികളെ ഒരുകാലത്ത്‌  നരച്ചു ചുരുണ്ട നൂലിന്റെ അറ്റത്ത് സിംഗിൾ, ഡബിൾ ബെല്ലുകൾക്കായി ആ മണിത്തളിക ഞാന്നുകിടക്കുന്നുണ്ട്. കാക്കിയണിഞ്ഞ കണ്ടക്ടർ നീട്ടി അടിക്കുന്ന ബെല്ലുകളനുസരിച്ചായിരുന്നു ഇടുങ്ങിയ വഴികളിലൂടെ  ആനവണ്ടിയുടെ  പ്രയാണം. 

   വെളുപ്പും, ലോ ഫ്ലോറും, സ്കാനിയായും  സിഫ്റ്റു മൊക്കെയായി ആധുനികമായപ്പോഴും മനസ്സിന്റെയുള്ളിലിപ്പോഴും   ഒരൽപ്പം ഇഷ്ടക്കൂടുതൽ ആ പഴയ ചുവപ്പും മഞ്ഞയും ആനവണ്ടിയോടു തന്നെ. കാലമെത്ര മാറിയാലും, അതൊരോർമപ്പെടുത്തലായി, പ്രതിസന്ധികളുടെ കയങ്ങളും സമരങ്ങളുടെ തീച്ചൂളകളും താണ്ടി,  വളഞ്ഞുപുളഞ്ഞു കിടക്കുന്ന മലമുകളിലേക്കുള്ള യാത്ര തുടരട്ടെ.