അജയകുമാറിനും മനോജ്കുമാറിനും മന്ത്രിയുടെ ഉറപ്പ്‌

മാവേലിക്കര

അജയ കുമാറിനും മനോജ് കുമാറിനും ഇലക്ട്രിക് ചക്രക്കസേര നൽകുമെന്ന് അദാലത്തിൽ മന്ത്രി സജി ചെറിയാന്റെ ഉറപ്പ്. ചെട്ടികുളങ്ങര ഈരേഴ വടക്ക് തറയിൽ വീട്ടിൽ അജയകുമാറും ചുനക്കര വടക്ക് ശിവശൈലത്തിൽ വിജയകുമാറും അംഗപരിമിതരാണ്. അപകടങ്ങളിൽ പരിക്കേറ്റ ഇരുവരും 20 വർഷങ്ങളായി ചക്രക്കസേരയിലാണ് ജീവിതം തളളി നീക്കുന്നത്. ഉച്ചയൂണിനായി മന്ത്രി പുറത്തിറങ്ങിയപ്പോഴാണ് ഇരുവരും അപേക്ഷയുമായി പുറത്ത് കാത്തു നിൽക്കുന്നത് കണ്ടത്. ഉടൻ മന്ത്രി ഇരുവരുടെയും അടുത്തെത്തി ആവശ്യം ശ്രദ്ധയോടെ കേട്ടു. ഇരുവർക്കും ഇലക്ട്രിക് ചക്രക്കസേര നൽകുമെന്ന് അദ്ദേഹം ഉറപ്പു നൽകി.