ശർക്കര നിർമാണശാല കത്തിനശിച്ചു

മറയൂർ 

കാന്തല്ലൂർ പഞ്ചായത്തിലെ കർശനാട് ഭാഗത്ത് ആലപ്പുരയും കരിമ്പിൻ തോട്ടവും കത്തിനശിച്ചു. കർശനാട് സ്വദേശി മുരുകന്റെ ഉടമസ്ഥതയിലുള്ള കരിമ്പിൻ തോട്ടവും ആലപ്പുരയുമാണ് കത്തിനശിച്ചത്. പ്രദേശവാസികളും തൊഴിലാളികളും ചേർന്ന്‌  ഒരു മണിക്കൂറോളം പരിശ്രമിച്ച്‌ തീയണച്ചതിനാൽ മറ്റിടങ്ങളിലേക്ക്‌ പടർന്നില്ല. ഏകദേശം ആറു ലക്ഷത്തോളം രൂപയുടെ നഷ്ടമാണുണ്ടായത്.