11 വർഷം ഒളിവിൽ കഴിഞ്ഞ പ്രതി പിടിയിൽ

ലിഫ്റ്റ് നിർമിച്ചുനൽകാമെന്ന് വാഗ്ദാനം നൽകി വെൺമണി സ്വദേശിയുടെ പക്കൽനിന്ന്‌  1,95,000 രൂപ വാങ്ങി കടന്നുകളഞ്ഞതിന്  2013 ൽ രജിസ്റ്റർ ചെയ്ത കേസിലെ പ്രതിയായ ആലുവ  അമ്പാട്ടുകാവ്  പട്ടരുമഠത്തിൽ  സെന്തിൽ വെങ്കിടേശനാണ്‌  (56)  അറസ്‌റ്റിലായത്‌. കോടതിയിൽ ഹാജരാകുന്നതിന്‌ നിരവധി തവണ വാറന്റ് പുറപ്പെടുവിച്ചിട്ടും ഹാജരായില്ല. തുടർന്ന്‌  2018 ൽ കോടതി ഇയാളെ പിടികിട്ടാപ്പുള്ളിയായി പ്രഖ്യാപിച്ചിരുന്നു.  മേൽവിലാസവും ഫോണ്‍ നമ്പരും സ്ഥിരമായി മാറ്റിക്കൊണ്ടിരുന്നതിനാൽ ദീർഘനാളത്തെ  ശ്രമത്തിനൊടുവിലാണ് അറസ്‌റ്റ്‌ ചെയ്യാനായത്‌.  ചെങ്ങന്നൂർ ഡിവൈഎസ്‌പി  എം കെ  ബിനുകുമാർ രൂപീകരിച്ച സ്പെഷ്യൽ സ്‌ക്വാഡാണ്  ആലുവയിൽനിന്ന്‌ ഇയാളെ അറസ്റ്റ് ചെയ്തത്.  കോടതിയിൽ ഹാജരാക്കി റിമാൻഡ് ചെയ്തു.  -