25 January Tuesday

ആലുവയിൽ നവവധു തൂങ്ങി മരിച്ച നിലയിൽ

വെബ് ഡെസ്‌ക്‌Updated: Tuesday Nov 23, 2021


കൊച്ചി> ആലുവയിൽ നവവധുവിനെ  തൂങ്ങി മരിച്ച നിലയിൽ കണ്ടെത്തി. എടയപ്പുറം സ്വദേശി മോഫിയ പർവിൻ (21) ആണ് മരിച്ചത്‌ . ഭർതൃവീട്ടുകാർക്കെതിരെ ഗാർഹീക പീഡനത്തിന്‌  പൊലീസിൽ കഴിഞ്ഞ ദിവസം മോഫിയ പരാതി നൽകിയിരുന്നു.

ഭർതൃവീട്ടുകാർക്കും സി ഐക്കുമെതിരെ നടപടി എടുക്കണമെന്ന് മോഫിയയുടെ ആത്മഹത്യാക്കുറിപ്പിൽ പറയുന്നു. ഭർത്താവും മാതാപിതാക്കളും ക്രിമിനലുകളാണെന്നും അവർക്ക് പരമാവധി ശിക്ഷ കൊടുക്കണമെന്നും അത് തന്റെ അവസാന ആഗ്രഹമാണെന്നും ആത്മഹത്യാക്കുറിപ്പിൽ പറയുന്നുണ്ട്.എട്ട്‌ മാസം മുമ്പാണ്‌ മോഫിയയും മുഹ്‌സിനും വിവാഹിതരായത്‌. വീട്ടിലെ പ്രശ്‌നത്തെ  തുടഹന്ന്‌ മോഫിയ കുറച്ചുനാളായി സ്വന്തം വീട്ടിലായിരുന്നു.

ഇന്നലെ പൊലീസ് സ്റ്റേഷനിൽ ഭർതൃവീട്ടുകാരെയും മോഫിയയേയും  വിളിച്ചുവരുത്തി ചർച്ച നടത്തിയിരുന്നു. ഇതിന് പിന്നാലെയാണ് മോഫിയ ആത്മഹത്യ ചെയ്തത്. തൊടുപുഴയിലെ സ്വകാര്യ കോളേജിൽ എൽഎൽബി വിദ്യാർഥിനിയാണ്‌ മോഫിയ. മൃതദേഹം കളമശ്ശേരി മെഡിക്കൽ കോളേജ്‌ ആശുപത്രിയി മോർച്ചറിയിലേക്ക്‌ മാറ്റി.

അതേ സമയം സംഭവം  ആലുവ ഡിവൈഎസ്‌പി അന്വേഷിക്കുമെന്ന്‌ എസ്‌ പി കെ കാർത്തിക്‌  അറിയിച്ചു. പൊലീസിന്‌ വീഴ്‌ച  സംഭവിച്ചിട്ടുണ്ടെങ്കിൽ ഉടൻ നടപടിയെടുക്കുമെന്നും എസ്‌ പി അറിയിച്ചു.


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..



മറ്റു വാർത്തകൾ

----
പ്രധാന വാർത്തകൾ
-----
-----
 Top