23 January Sunday

മോഡലുകളുടെ അപകട മരണം: അന്വേഷണത്തിന് ക്രൈംബ്രാഞ്ച്‌ പ്രത്യേക സംഘം

വെബ് ഡെസ്‌ക്‌Updated: Thursday Nov 18, 2021


കൊച്ചി> കൊച്ചിയിൽ മോഡലുകളുടെ മരണത്തിനിടയാക്കിയ കാറപകട കേസ് പ്രത്യേക സംഘത്തിന് കൈമാറുന്നു. ജില്ലാ ക്രൈംബ്രാഞ്ചിന്റെ കീഴിൽ പ്രത്യേക സംഘം അന്വേഷിക്കും. അന്വേഷണത്തിന്‌ എസ് പി ബിജി ജോർജ്ജ് നേതൃത്വം നൽകും. സംഘത്തിലെ മറ്റ് അംഗങ്ങളെ ഉടൻ തീരുമാനിക്കും.

ഒക്‌ടോബർ 31നാണ്‌ മുൻ മിസ്‌ കേരള അൻസി കബീറും റണ്ണർ അപ്പ്‌ അഞ്ജന ഷാജനും കാറിൽ ഒപ്പമുണ്ടായിരുന്ന മുഹമ്മദ്‌ ആഷിഖും പാലാരിവട്ടത്ത്‌  കാർ അപകടത്തിൽ മരിച്ചത്‌. കാറോടിച്ചിരുന്ന ആൾ പരിക്കുകളോടെ ചികിത്സയിലാണ്‌. ഫോർട്ട്‌ കൊച്ചിയിലെ നമ്പർ 18 ഹോട്ടലിലെ പാർടിയിൽ പങ്കെടുത്തശേഷം തിരികെ വരുമ്പോൾ പുലർച്ചെയാണ്‌ അപകടമുണ്ടായത്‌.

കേസിൽ കൊച്ചി നമ്പർ 18 ഹോട്ടൽ ഉടമ  റോയി ജെ വയലാട്ട്‌ , ജീവനക്കാരനും ഐടി വിദഗ്‌ധരുമായ കെ കെ അനിൽ, വിൽസൻ റെയ്‌നോൾഡ്‌, എം ബി മെൽവിൻ, ജി എ സിജുലാൽ, വിഷ്‌ണുകുമാർ എന്നിവരെ പൊലീസ്‌ അറസ്‌റ്റ്‌ ചെയ്‌തിട്ടുണ്ട്‌.

അപകടത്തിൽപ്പെട്ട കാറിനെ മറ്റൊരു കാർ പിന്തുടർന്നിരുന്നു. ആ ഔഡി കാർ  ഓടിച്ചിരുന്ന സൈജു തങ്കച്ചനെ ചോദ്യം ചെയ്‌തിരുന്നു.


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..



മറ്റു വാർത്തകൾ

----
പ്രധാന വാർത്തകൾ
-----
-----
 Top