തിരുവല്ല നഗരസഭയിൽ ദമ്പതികൾ ഇടതുമുന്നണി സ്ഥാനാർത്ഥികൾ

തിരുവല്ല> തിരുവല്ല നഗരസഭയിൽ തൊട്ടടുത്ത വാർഡുകളിലായി ഭർത്താവും ഭാര്യയും ഇടതുമുന്നണി സ്ഥാനാർത്ഥികളായി മൽസരിക്കുന്നു. ചുമത്ര വഞ്ചിപ്പാലത്ത് തോമസ് വഞ്ചിപ്പാലം - ലിൻഡ തോമസ്  ദമ്പതികളാണ് കേരള കോൺഗ്രസ് എം പ്രതിനിധികളായി മൽസരിക്കുന്നത്.

മൂന്നാം വാർഡിൽ (ആറ്റു ചിറ) ലിൻഡയും, നാലാം വാർഡിൽ (കിഴക്കൻ മുത്തൂർ ) തോമസും സ്ഥാനാർത്ഥികളാണ്‌.
നിലവിലെ കൗൺസിലിൽ അംഗമാണ് തോമസ്. ലിൻഡയാവട്ടെ ഇതിന് മുൻപ് ഉണ്ടായിരുന്ന കൗൺസിലിൽ നഗരസഭാ ചെയർപേഴ്സണായും പ്രവർത്തിച്ചിരുന്നു. ഇരുവരും തൊട്ടടുത്ത ദിവസം പത്രിക നൽകും.