24 October Sunday

100 ബസ്‌ വാങ്ങും: കെഎസ്‌ആർടിസിക്കും സ്ലീപ്പർ

വെബ് ഡെസ്‌ക്‌Updated: Sunday Sep 12, 2021

തിരുവനന്തപുരം
ദീർഘദൂര യാത്രക്കാരെ ലക്ഷ്യമിട്ട്‌ കെഎസ്‌ആർടിസി സ്ലീപ്പർ, സെമി സ്ലീപ്പർ ഉൾപ്പെടെ 100 പുതിയ ബസ്‌ വാങ്ങുന്നു. കെഎസ്‌ആർടിസിയുടെ നവീകരണത്തിന്‌ അനുവദിച്ച 50 കോടി രൂപയിൽനിന്ന്‌ 44.64 കോടി ചെലവിട്ടാണ്‌ ബസ്‌ വാങ്ങുന്നത്‌. നവംബർ ഒന്നിന്‌ ആദ്യഘട്ടം ബസുകൾ പുറത്തിറക്കും. 2022 ഫെബ്രുവരിയോടെ മുഴുവൻ ബസും എത്തും. എട്ട്‌ സ്ലീപ്പർ, 20 സെമി സ്ലീപ്പർ, 72 എയർ സസ്‌പെൻഷൻ നോൺ എസി ബസുകളാണ് വാങ്ങുന്നത്.

ബിഎസ്–- 6 നിലവാരത്തിലുള്ളവയാണിവ. തമിഴ്‌നാടിനും കർണാടകയ്‌ക്കും ഉള്ളതുപോലെ  കെഎസ്‌ആർടിസിക്ക്‌ നിലവിൽ സ്ലീപ്പർ ബസുകളില്ല. 1.385 കോടി രൂപ നിരക്കിൽ 11.08 കോടി ചെലവിട്ടാണ്‌ എട്ട്‌ വോൾവോ സ്ലീപ്പർ ബസ്‌ വാങ്ങുന്നത്. 47.12 ലക്ഷം രൂപ നിരക്കിൽ സെമി സ്ലീപ്പറും 33.78 ലക്ഷം നിരക്കിൽ എയർ സസ്പെൻഷൻ നോൺ എസി ബസും അശോക്‌ ലയ്‌ലാൻഡിൽനിന്നാണ്‌ വാങ്ങുക.


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..




----
പ്രധാന വാർത്തകൾ
-----
-----
 Top