19 June Saturday

ലാഭത്തിൽ കുതിച്ച്‌ കെഎസ്‌എഫ്ഇ ; നഷ്ടത്തിൽ കെഎസ്ആർടിസി മുന്നിൽ

വെബ് ഡെസ്‌ക്‌Updated: Friday Jun 11, 2021


തിരുവനന്തപുരം
പൊതുമേഖലാ സ്ഥാപനങ്ങളുടെ ലാഭനേട്ടത്തിൽ കേരള സ്‌റ്റേറ്റ് ഫിനാൻഷ്യൽ എന്റർപ്രൈസസ് ലിമിറ്റഡ്‌(കെഎസ്‌എഫ്‌ഇ) മുന്നിലെന്ന്‌ സിഎജി. 2017-–-18ൽ കമ്പനി ലാഭം 144.41 കോടി രൂപ. ചവറ കെഎംഎംഎൽ 2018–--19ൽ 104.46 കോടി ലാഭമുണ്ടാക്കി. കേരള സ്‌റ്റേറ്റ് ബിവറേജസ് (മാനുഫാക്ചറിങ് ആൻഡ്‌ മാർക്കറ്റിങ്) കോർപറേഷൻ ലിമിറ്റഡ് 2016–--17ൽ 85.93 കോടിയുടെ ലാഭമുണ്ടാക്കിയതായും പൊതുമേഖലാ സ്ഥാപനങ്ങളെ സംബന്ധിച്ച സിഎജിയുടെ 2019 സാമ്പത്തിക റിപ്പോർട്ടിൽ പറയുന്നു. ധനമന്ത്രി കെ എൻ ബാലഗോപാൽ‌ വ്യാഴാഴ്‌ച റിപ്പോർട്ട്‌ നിയമസഭയിൽ വച്ചു.

നഷ്ടത്തിൽ കെഎസ്ആർടിസിയാണ് മുന്നിൽ. 1431 കോടി. ടെക്‌സ്‌റ്റൈയിൽസ് കോർപറേഷൻ ലിമിറ്റഡിന് 53.17 കോടിയുടെയും സിവിൽ സപ്ലെെസ് കോർപറേഷന് 25.91 കോടിയുടെയും ട്രാവൻകൂർ ടൈറ്റാനിയത്തിന് 23.63 കോടിയുടെയും നഷ്ടം വിവിധ വർഷങ്ങളിലുണ്ട്‌. 53 പൊതുമേഖലാ സ്ഥാപനത്തിന്റെ ആകെ ലാഭം 574.49 കോടിയാണ്. 58 സ്ഥാപനത്തിന്റെ ആകെ നഷ്‌ടം 1796.55 കോടിയും. രണ്ട് സ്ഥാപനം ലാഭ, നഷ്ടം ഇല്ലാത്ത നിലയിലും.


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..




----
പ്രധാന വാർത്തകൾ
-----
-----
 Top