കൊല്ലം - എറണാകുളം സ്‌പെഷ്യൽ മെമു മെയ്‌ 30 വരെ നീട്ടി

തിരുവനന്തപുരം > കൊല്ലം- എറണാകുളം ജങ്‌ഷൻ മെമു എക്‌സ്‌പ്രസ്‌ സ്‌പെഷ്യൽ(06169), എറണാകുളം ജങ്‌ഷൻ- കൊല്ലം മെമു സ്‌പെഷ്യൽ (06170) എന്നിവയുടെ സർവീസ്‌ 2025 മെയ്‌ 30 വരെ നീട്ടിയതായി റെയിൽവേ അറിയിച്ചു. വെള്ളിയാഴ്‌ചവരെയായിരുന്നു ആദ്യം സർവീസ്‌ നിശ്‌ചയിച്ചിരുന്നത്‌.

കോട്ടയം വഴിയുള്ള ട്രെയിനുകൾ ആഴ്‌ചയിൽ  തിങ്കൾ മുതൽ വെള്ളി വരെ അഞ്ചുദിവസമാണ്‌ ഓടുന്നത്‌. കൊല്ലത്തുനിന്ന്‌ രാവിലെ 5.55 ന്‌ പുറപ്പെടുന്ന ട്രെയിൻ 9.35 ന്‌ എറണാകുളത്ത്‌ എത്തും. തിരിച്ച്‌ രാവിലെ 9. 50ന്‌ പുറപ്പെട്ട്‌ 1.30 ന്‌ കൊല്ലത്ത്‌ എത്തും.