04 December Friday

ഒടുവിൽ ഷാജിയുടെ ‘വൈറൽ കുറ്റസമ്മതം’ ; ആഡംബര വീട്‌ നിർമാണത്തിൽ ക്രമക്കേടുണ്ടെന്ന് ഫെയ്‌സ്‌ബുക്ക്‌ കുറിപ്പ്

സുജിത്‌ ബേബിUpdated: Saturday Oct 31, 2020



ഭാര്യയുടെ പേരിലുള്ള ആഡംബര വീട്‌ നിർമാണത്തിൽ ക്രമക്കേടുണ്ടെന്ന് സാമൂഹ്യ മാധ്യമത്തിലൂടെ‌ പറയാതെ പറഞ്ഞ്‌‌ മുസ്ലിംലീഗ്‌ സംസ്ഥാന സെക്രട്ടറി കെ എം ഷാജി എംഎൽഎ. ഫെയ്‌സ്‌ബുക്ക്‌ കുറിപ്പിലൂടെയാണ്‌ ഷാജി ഒടുവിൽ കുറ്റസമ്മതം നടത്തിയത്‌. വീട്‌ എങ്ങനെ അളന്നാലും‌ 4500 ചതുരശ്രഅടിയേ  ഉണ്ടാകൂ എന്നാണ്‌ എംഎൽഎയുടെ കുറിപ്പ്‌‌. ഒപ്പം കോർപറേഷൻ വീട്‌ അളന്ന രീതി‌ ശരിയല്ലെന്ന വിമർശവുമുണ്ട്‌.

എന്നാൽ, 2013ൽ രണ്ടുനിലയിലായി 3200 ചതുരശ്ര അടിക്ക്‌ നിർമിക്കാൻ അനുമതി കിട്ടിയ വീട്‌ മൂന്ന്‌ നിലയിൽ 4500 അടി എങ്ങനെയായെന്ന നാട്ടുകാരുടെ ചോദ്യത്തിന് ലീഗ്‌ നേതാവിന്റെ‌ മൗനം ‘കുറ്റ’സമ്മതമാണ്‌. കോർപറേഷൻ അളന്നതുപ്രകാരം മൂന്ന്‌ നിലയിൽ 5420 ചതുരശ്ര അടി വിസ്‌തീർണത്തിലാണ്‌ വീട്‌ നിർമിച്ചതെന്ന് നേരത്തേ കണ്ടെത്തി‌. അതിനാൽ, ഈ പുതിയ വാദംകൊണ്ടൊന്നും‌ രക്ഷയില്ലെന്നാണ്‌‌ കോർപറേഷൻ നിലപാട്‌. അനുവദിച്ചതിൽ കൂടുതൽ നിർമാണം നടത്തിയിട്ടുണ്ടെങ്കിൽ പുതുക്കിയ പ്ലാൻ നൽകേണ്ടത്‌ വീട്ടുടമയാണ്‌‌‌. ഷാജി അത്‌ ചെയ്‌തിട്ടില്ല. നിർമാണ‌ശേഷം ഇതുവരെ ആഡംബര നികുതി അടയ്‌ക്കാത്തതിന്റെ കാരണവും വിശദീകരിച്ചിട്ടില്ല.

എന്തായാലും പോസ്റ്റിനടിയിൽ എംഎൽഎയുടേത്‌ ‘കള്ളന്റെ കുമ്പസാരം’ എന്നു പറഞ്ഞ്‌ നിരവധിപേർ അഭിപ്രായം രേഖപ്പെടുത്തി‌.


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..


----
പ്രധാന വാർത്തകൾ
-----
-----
 Top