13 July Monday

കനത്ത മഴയും കാറ്റും: വൈക്കത്ത് വ്യാപക നാശനഷ്ടം

വെബ് ഡെസ്‌ക്‌Updated: Monday May 18, 2020

വൈക്കം> കനത്ത മഴയിലും കാറ്റിലും വൈക്കത്ത് വ്യാപക നാശനഷ്ടം. വൈക്കം മഹാദേവ ക്ഷേത്രത്തിന്റെ അലങ്കാര ഗോപുരവും ഊട്ടുപുരയും കാറ്റില്‍ തകര്‍ന്നുവീണു. നിരവധി വീടുകള്‍ ഭാഗികമായി തകര്‍ന്നു.

 വൈദ്യുതിപോസ്റ്റുകളും ട്രാന്‍സ്ഫോറര്‍മറുകളും തകര്‍ന്നതോടെ വൈക്കം ഇരുട്ടിലായി. തകരാറിലായ വൈദ്യുതബന്ധം പുനഃസ്ഥാപിക്കാന്‍ ദിവസങ്ങളെടുക്കുമെന്നാണ് വിവരം.

വൈക്കം താലൂക്കില്‍ വ്യാപകമായി വൈദ്യുത വിതരണവും തടസപ്പെട്ടു.വൈക്കം ടൗണ്‍, ചെമ്മനാകരി, ഇത്തിപ്പുഴ, ടി.വി.പുരം, കൊതവറ എന്നിവിടങ്ങളിലാണ് നാശം ഏറെയും സംഭവിച്ചത്. വൈക്കത്തും സമീപ പ്രദേശത്തുമായി നൂറിലധികം മരങ്ങളാണ് കടപുഴകി വീണത്.

  ഗതാഗതം തടസ്സപ്പെട്ട നിലയിലാണ്.മരം മുറിച്ചുനീക്കാന്‍ ഏറെ പാടുപെട്ടാണ് അഗ്നിരക്ഷാസേന സംഭവസ്ഥലത്തെത്തിയത്.







 

മറ്റു വാർത്തകൾ

പ്രധാന വാർത്തകൾ
 Top