കോവിഡ്‌ 
ബ്രിഗേഡുകൾക്ക്‌ ഗ്രേസ്‌ മാർക്ക്‌

തിരുവനന്തപുരം
കോവിഡ് കാലത്ത്‌ ചികിത്സ ഉറപ്പാക്കാൻ സംസ്ഥാന സർക്കാർ രൂപീകരിച്ച കോവിഡ്‌ ബ്രിഗേഡിൽ ജൂനിയർ ഹെൽത്ത് ഇൻസ്‌പെക്ടർമാരായവർക്ക്‌ നിയമന അഭിമുഖങ്ങളിൽ ഗ്രേസ്‌മാർക്ക്‌.   കുറഞ്ഞത് ആറുമാസം ചുമതല നിർവഹിച്ചവർക്ക്‌ ആനുകൂല്യം നൽകാൻ ആരോഗ്യവകുപ്പ്‌  ഉത്തരവിറക്കി.ആരോഗ്യവകുപ്പ്‌ ജെഎച്ച്‌ഐ തസ്‌തികയിലേക്ക് എംപ്ലോയ്‌മെന്റ്‌ എക്‌സ്‌ചേഞ്ച് വഴിയുള്ള നിയമന അഭിമുഖ പരീക്ഷയിലാണ്‌ അഞ്ചുശതമാനം ഗ്രേസ് മാർക്ക്‌ നൽകുക.   ജില്ലാ മെഡിക്കൽ ഓഫീസറുടെ സർട്ടിഫിക്കറ്റിന്റെ അടിസ്ഥാനത്തിലാകും  അർഹത നിശ്ചയിക്കുന്നത്.