27 September Monday

കോവിഡ്‌ കണ്ടെത്തുന്നതില്‍ മുന്നില്‍ കേരളം; ബിഹാറും യു.പിയും പിന്നിൽ

സ്വന്തം ലേഖകൻUpdated: Sunday Aug 1, 2021

ന്യൂഡൽഹി > കോവിഡ്‌ ബാധിതരെ കണ്ടെത്തുന്നതില്‍ കേരളം ബഹുദൂരം മുന്നിലെന്ന്‌ പഠനം.  ആറിൽ ഒരു രോ​ഗിയെ വീതം കേരളം കണ്ടെത്തുമ്പോള്‍ ബിഹാര്‍ 134 രോ​ഗികളില്‍ ഒരാളെയും യുപി 100ൽ ഒരു രോ​ഗിയെയുമാണ് കണ്ടെത്തുന്നത്. ഐസിഎംആറിന്റെ നാലാം സിറൊ സർവേ അടിസ്ഥാനമാക്കി പ്രമുഖ ഹെൽത്ത്‌ ഇക്കണോമിസ്റ്റ്‌ റിജോ ജോണ്‍ നടത്തിയ പഠനത്തിലാണ് ഇക്കാര്യം.

സര്‍വേ വിവരങ്ങള്‍ അപ​ഗ്രഥിച്ച് റിപ്പോര്‍ട്ട് ചെയ്യാതെ പോകുന്ന രോ​ഗികളുടെ എണ്ണം (അണ്ടർ കൗണ്ടിങ്‌ ഫാക്ടർ) ആണ് കണക്കാക്കിയത്. ഒരു  രോ​ഗിയെ കണ്ടെത്തുമ്പോള്‍ എത്ര രോഗികൾ ഒഴിവാക്കപ്പെടുന്നുവെന്ന കണക്കുകൂട്ടലാണ്‌ അണ്ടർ കൗണ്ടിങ്‌ ഫാക്ടർ. പഠനനിരീക്ഷണങ്ങള്‍ സർക്കാർ വൃത്തങ്ങളും സ്ഥിരീകരിച്ചു.

ബിഹാറിൽ മെയ്‌ 31നകം ഒമ്പതു കോടിയിലേറെ രോ​ഗികളെ റിപ്പോർട്ട്‌ ചെയ്യേണ്ടതാണ്. എന്നാൽ, കണക്കില്‍ ഒമ്പതു ലക്ഷം മാത്രം. 16.8 കോടി രോ​ഗികള്‍ ഉണ്ടാകേണ്ട യുപിയില്‍ കണക്കില്‍  17 ലക്ഷം രോ​ഗികള്‍. രാജ്യത്ത്‌ അണ്ടർ കൗണ്ടിങ്‌ ഫാക്ടർ 33 ആണ്‌. മെയ്‌ 31നുള്ളിൽ 92.65 കോടി രോ​ഗികള്‍ ഉണ്ടാകേണ്ടതാണ്, എന്നാല്‍ അന്നേവരെ റിപ്പോര്‍ട്ട് ചെയ്‌തത് 2.82 കോടി രോ​ഗികള്‍ മാത്രം. ലക്ഷക്കണക്കിനു രോ​ഗികള്‍ കണക്കിൽപ്പെടാതെ പോയെന്നാണ്  പഠനം വെളിപ്പെടുത്തുന്നത്.


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..




----
പ്രധാന വാർത്തകൾ
-----
-----
 Top