29 July Thursday

ആയിഷ സുൽത്താനക്കെതിരെ രാജ്യദ്രോഹക്കുറ്റം നിലനിൽക്കില്ല : അഡ്വ. കാളീശ്വരം രാജ്‌

വെബ് ഡെസ്‌ക്‌Updated: Sunday Jun 13, 2021

ചലച്ചിത്രപ്രവർത്തക ആയിഷ സുൽത്താനയ്‌ക്ക്‌ എതിരെ രാജ്യദ്രോഹക്കുറ്റം ചുമത്തിയ നടപടി നിയമപരമായി നിലനിൽക്കില്ല. 1962ലെ കേദാർനാഥ്‌സിങ് കേസില്‍ ഭരണഘടനാബെഞ്ചിന്റെ വിധിയും സമീപകാലത്ത്‌ വിനോദ്‌ ദുവാ കേസിൽ സുപ്രീംകോടതിവിധിയും അനുസരിച്ച്‌ ആയിഷയ്‌ക്ക്‌ എതിരായ നടപടി നിലനിൽക്കില്ല. കലാപമോ ആക്രമണമോ ലക്ഷ്യമിട്ടുള്ള ആഹ്വാനം മാത്രമേ രാജ്യദ്രോഹക്കുറ്റമായി മാറുന്നുള്ളൂവെന്നാണ് സുപ്രീംകോടതി ആവര്‍ത്തിച്ച് വ്യക്തമാക്കിയത്. ആയിഷ സുൽത്താനയുടെ പ്രസ്‌താവനയിൽ രാജ്യദ്രോഹക്കുറ്റം ചുമത്താവുന്ന ഒറ്റ വാക്കുമില്ല.

അഭിപ്രായസ്വാതന്ത്ര്യം അടിച്ചമർത്താൻ രാജ്യദ്രോഹക്കുറ്റം ദുരുപയോഗപ്പെടുത്തുന്നതിന്റെ ഉദാഹരണമാണ്‌ ആയിഷയ്‌ക്കെതിരെ കുറ്റം ചുമത്തിയത്‌.  1962ൽ രാജ്യദ്രോഹക്കുറ്റത്തിന്റെ നിയമസാധുത സുപ്രീംകോടതി ശരിവച്ചിട്ടുണ്ട്‌. എന്നാൽ, മാറിയ സാഹചര്യത്തിൽ 124എ വകുപ്പ്‌ നിലനിർത്തണോയെന്ന് ഗൗവമായ പരിശോധന വേണം. ബ്രിട്ടൻ രാജ്യദ്രോഹക്കുറ്റം റദ്ദാക്കി. അമേരിക്ക, ക്യാനഡ, ന്യൂസിലൻഡ്‌, ഓസ്‌ട്രേലിയ എന്നിവിടങ്ങളിൽ അതിന്റെ ഉപയോഗം പരിമിതപ്പെടുത്തി. മാറിയ കാലത്തിന്‌ അനുസൃതമായി ഇന്ത്യയിലും രാജ്യദ്രോഹക്കുറ്റം റദ്ദാക്കണം. കോടതിക്ക്‌ അകത്തും പുറത്തും അതിന് വേണ്ടിയുള്ള പോരാട്ടം ശക്തമാക്കണം. 
   എല്ലാ നിയമപോരാട്ടവും രാഷ്ട്രീയമായ പോരാട്ടം കൂടിയാണ്. എന്തിനെയും ഏതിനെയും രാജ്യദ്രോഹമായി ചിത്രീകരിക്കുന്ന പ്രവണത അവസാനിപ്പിക്കാൻ അതുമാത്രമാണ്‌ പോംവഴി.


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..




----
പ്രധാന വാർത്തകൾ
-----
-----
 Top