06 December Tuesday

ഇർഫാൻ ഹബീബിനോട്‌ മുൻ വൈരാഗ്യം

വെബ് ഡെസ്‌ക്‌Updated: Tuesday Sep 20, 2022

തിരുവനന്തപുരം> മുതിർന്ന ചരിത്രകാരൻ ഇർഫാൻ ഹബീബ്‌ തന്നെ ആക്രമിക്കാൻ ശ്രമിച്ചെന്ന ഗവർണറുടെ വ്യാജ ആരോപണത്തിനുപിന്നിൽ മുൻ വൈരാഗ്യം. അലിഗഢ്‌ സർവകലാശാലയിൽ ആരിഫ്‌ മൊഹമ്മദ്‌ ഖാൻ വിദ്യാർഥി ആയിരിക്കെ അധ്യാപകനായി ഇർഫാൻ ഹബീബ്‌ ഉണ്ടായിരുന്നു. അന്ന്‌ വിദ്യാർഥി യൂണിയൻ പ്രസിഡന്റായിരുന്ന ആരിഫ്‌ മൊഹമ്മദ്‌ഖാന്‌ പല വിഷയങ്ങളിലും അധ്യാപകരുമായി സ്വരച്ചേർച്ചയുണ്ടായിരുന്നില്ല. ക്യാമ്പസ്‌ കാലത്തുണ്ടായ അപകർഷതാ ബോധമാണ്‌ ഇപ്പോഴും ഇർഫാൻ ഹബീബിനെതിരായ നീക്കത്തിനു പിന്നിൽ.

തങ്ങളുടെ കണ്ണിലെ കരടായ ചരിത്രകാരനെ എന്തെങ്കിലും കേസിൽ കുടുക്കാനാകുമോ എന്ന ചിന്ത ആർഎസ്‌എസിനുണ്ട്‌. ഈ ആഗ്രഹപൂർത്തീകരണത്തിനുവേണ്ടിയാണ്‌ ഗവർണർ ചരിത്ര കോൺഗ്രസിലെ പ്രതിഷേധത്തെ ആയുധമാക്കുന്നത്‌.ഇർഫാൻ ഹബീബ്‌ തന്നെ ആക്രമിക്കാൻ ശ്രമിച്ചെന്നു പറഞ്ഞ ഗവർണർ അദ്ദേഹത്തെ ഗുണ്ടയെന്ന്‌ വിശേഷിപ്പിക്കാനും തയ്യാറായി. തിങ്കളാഴ്‌ച നടത്തിയ വാർത്താ സമ്മേളനത്തിലും ആരിഫ്‌ മൊഹമ്മദ്‌ ഖാൻ ഇതാവർത്തിച്ചു.

പൗരത്വ ബില്ലിനെ ന്യായീകരിച്ച്‌ നടത്തിയ പ്രസംഗത്തിനെതിരെ സദസ്സിൽനിന്ന്‌ പ്രതിഷേധമുയർന്നിരുന്നു. ഈ സമയം വേദിയിലുണ്ടായിരുന്ന ഇർഫാൻ ഹബീബും പ്രതിഷേധമറിയിച്ചു. ഇതിനെയാണ്‌ തന്നെ ആക്രമിക്കാൻ ശ്രമിച്ചെന്ന്‌ ഗവർണർ വ്യാഖ്യാനിച്ചത്‌. രണ്ടു വർഷംമുമ്പുണ്ടായ സംഭവത്തിൽ ഇപ്പോൾ ആരോപണമുന്നയിക്കുന്നത്‌ ആർഎസ്‌എസിന്റെ നിർദേശപ്രകാരമാണ്‌.


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..



മറ്റു വാർത്തകൾ

----
പ്രധാന വാർത്തകൾ
-----
-----
 Top