22 February Saturday

അലനെയും താഹയേയും രണ്ട്‌ ജയിലുകളിലാക്കണമെന്ന്‌ എൻഐഎ

വെബ് ഡെസ്‌ക്‌Updated: Wednesday Jan 29, 2020

കൊച്ചി> പന്തീരാങ്കാവ് യുഎപിഎ കേസിൽ അലൻ ഷുഹൈബിനെയും താഹ ഫസലിനെയും രണ്ട് ജയിലുകളിൽ താമസിപ്പിക്കണമെന്ന് ദേശീയ അന്വേഷണ ഏജൻസി(എൻഐഎ) കോടതിയിൽ ആവശ്യപ്പെട്ടു.

എന്നാൽ ഇതിന്റെ കാരണം വ്യക്തമാക്കി പ്രത്യേക ഹർജി നൽകിയാൽ, ആവശ്യം പരിഗണിക്കാമെന്ന് കോടതി എൻഐഎ അഭിഭാഷകനോട് പറഞ്ഞു.

കേസിൽ അലനെയും താഹയെയും 14 ദിവസം വരെ റിമാൻഡ് ചെയ്തു. 90 ദിവസത്തെ റിമാൻഡ്കൂടി ആവശ്യപ്പെട്ട്‌ എൻഐഎ നൽകിയ ഹർജിയിൽ പ്രതിഭാഗത്തിന്റെ വാദവും കോടതി ബുധനാഴ്‌ച പരിഗണിക്കും.  ആറ് ദിവസത്തെ എൻഐഎ കസ്റ്റഡി ചൊവ്വാഴ്‌ച അവസാനിച്ചിരുന്നു.

മറ്റു വാർത്തകൾ

പ്രധാന വാർത്തകൾ
 Top