എംഡിഎംഎയുമായി സീരിയല്‍ നടി പിടിയില്‍
കൊല്ലം> കൊല്ലത്ത് എംഡിഎംഎയുമായി സീരിയല്‍ നടി പിടിയില്‍. പരവൂര്‍ ചിറക്കര സ്വദേശി ഷംനത്ത് ആണ് പിടിയിലായത്. ഇന്നലെ നടിയുടെ വീട്ടില്‍ നടത്തിയ പരിശോധനയിലാണ് എംഡിഎംഎ കണ്ടെത്തിയത്.
കടയ്ക്കല്‍ സ്വദേശി നവാസിൽ നിന്നാണ് ഷംനത്ത് എംഡിഎംഎ വാങ്ങിയത്. ഇയാളാണ് കേസില്‍ രണ്ടാം പ്രതി.
പരവൂര്‍ പൊലീസിന് ലഭിച്ച രഹസ്യ വിവരത്തിന്റെ അടിസ്ഥാനത്തിലാണ് ഷംനത്തിന്റെ വീട്ടില്‍ റെയ്ഡ് നടന്നത്. മൂന്ന് ഗ്രാം എംഡിഎംഎയാണ് കണ്ടെത്തിയത്. നടിയെ ഇന്ന് കോടതിയില്‍ ഹാജരാക്കും.
0 comments