13 November Wednesday

മില്‍മയില്‍ ഒഴിവ്

വെബ് ഡെസ്‌ക്‌Updated: Monday Jan 8, 2018

മില്‍മയുടെ എറണാകുളം മേഖലാ സഹകരണ ക്ഷീരോല്‍പ്പാദക യൂണിയന്റെ കീഴിലുള്ള ഡെയ്റികളിലും ഉപകേന്ദ്രങ്ങളിലും കരാര്‍ അടിസ്ഥാനത്തില്‍ നിയമനം നടത്തും. അസി. മാര്‍ക്കറ്റിങ് ഓഫീസര്‍, ടെക്നിക്കല്‍ സൂപ്രണ്ട് (എന്‍ജിനിയറിങ്), ടെക്നിക്കല്‍ സൂപ്രണ്ട് (ഡെയ്റി), ഡെയ്റി കെമിസ്റ്റ്/ഡെയ്റി ബാക്ടീരിയോളജിസ്റ്റ്, അസി. അക്കൌണ്ട്സ് ഓഫീസര്‍ തസ്തികകളിലാണ് ഒഴിവ്.
അസി. മാര്‍ക്കറ്റിങ് ഓഫീസര്‍ യോഗ്യത ഒന്നാം ക്ളാസ്സോ ഉയര്‍ന്ന രണ്ടാം ക്ളാസ്സോടെയോ ഉള്ള ബിരുദാനന്തര ബിരുദം/ കേരള കാര്‍ഷിക സര്‍വശാലയില്‍നിന്ന് നേടിയ കോ-ഓപറേഷന്‍ ബാങ്കിങ്ങിലുള്ള ബിരുദം. ടെക്നിക്കല്‍ സൂപ്രണ്ട്(എന്‍ജിനിയറിങ്): ബിരുദം/ ഡിപ്ളോമ (മെക്കാനിക്കല്‍/ഇലക്ട്രിക്കല്‍/റഫ്രിജറേഷന്‍/ഡെയ്റി എന്‍ജിനിയറിങ്). ടെക്നിക്കല്‍ സൂപ്രണ്ട് (ഡെയ്റി): ഡെയ്റി സയന്‍സ് ബിരുദം/ ഡിപ്ളോമ. ഡെയ്റി കെമിസ്റ്റ്/ ബാക്ടീരിയോളജിസ്റ്റ് യോഗ്യത ഡെയ്റി കെമിസ്ട്രി/ഡെയ്റി മൈക്രോബയോളജി/ഡെയ്റി ക്വാളിറ്റി കണ്‍ട്രോള്‍ എംഎസ്സി ബിരുദം/ പോസ്റ്റ് ഗ്രാജ്വേറ്റ് ഡിപ്ളോമ ഇന്‍ ക്വാളിറ്റി കണ്‍ട്രോള്‍/ ബിഎസ്സി ഡെയ്റി ടെക്നോളജി, രണ്ട് വര്‍ഷപ്രവൃത്തിപരിചയം. അസി. അക്കൌണ്ട്സ് ഓഫീസര്‍ യോഗ്യത ബിരുദം, എസിഎ/എഐസിഡബ്ള്യുയുഎയുടെ ഇന്റര്‍മീഡിയറ്റ് പരീക്ഷ വിജയിക്കുകയും അക്കൌണ്ടിങ്ങില്‍ ഒരു വര്‍ഷ പ്രവൃത്തിപരിചയവും അല്ലെങ്കില്‍ എംകോമും രണ്ട് വര്‍ഷ തൊഴില്‍ പരിചയവും. പ്രായം 18-40.അപേക്ഷാ ഫോറവും വിശദവിവരവും www. ercmpu.in www. ercmpu.inല്‍ ലഭിക്കും.
അപേക്ഷ പൂരിപ്പിച്ച് അനുബന്ധ സര്‍ട്ടിഫിക്കറ്റുകളുടെ പകര്‍പ്പ് സഹിതം എറണാകുളം റീജണല്‍ കോ-ഓപറേറ്റീവ് മില്‍ക്ക് പ്രൊഡ്യൂസേഴ്സ് യൂണിയന്‍ ലിമിറ്റഡ് നമ്പര് ‍E-150(D), PB No-2212, ഇടപ്പള്ളി-682204 എന്നവിലാസത്തില്‍ നേരിട്ടോ സാധാരണ തപാലിലോ ലഭിക്കണം. അവസാന തിയതി ജനുവരി 16 വൈകിട്ട് അഞ്ച്. അപേക്ഷ അയക്കുന്ന കവറിനുമുകളില്‍ തസ്തികയുടെ പേര് രേഖപ്പെടുത്തണം.

പ്രധാന വാർത്തകൾ
 Top